POP 5

Lajmet më të lexuara të 5 minutave të fundit

Politikë

Basha reagon pas ndryshimeve në qeverinë Rama: Sa mbylli pazarin me Berishën, do mbushi parlamentin me njerëz anonimë

Lulzim Basha ka reaguar pas ndryshimeve në qeverinë Rama, duke u shprehur se kryeministri do ta mbush parlamentin me njerëz anonimë që të mos kërcënohet pushteti i tij.

Basha reagon pas ndryshimeve në qeverinë Rama: Sa mbylli pazarin me Berishën, do mbushi parlamentin me njerëz anonimë

Lulzim Basha

Për ndryshimet e sotme në qeveri prej kryeministrit Rama, ka reaguar në rrjetet sociale ish kryetari i Partisë Demokratike, Lulzim Basha.

Ish kryedemokrati i shikon ndryshimet e sotme si zhvillim pas pazarit me Berishën për kodin e ri zgjedhor. Basha shton se Rama tashmë do e mbush parlamentin me anonimë, në mënyrë që karrigia dhe pushteti i tij të mos kërçënohen.

'Tumori i Shqipërisë është koka e qeverisë. Të tjerat janë metastaza, që sado t’i shkulësh nuk e shëron të keqen që ka mbërthyer vendin.

Tani që mbylli pazarin me Sali Berishën, do e mbushë qeverinë dhe Parlamentin me anonimë që nuk e kërcënojnë pushtetin e tij dhe për tu mbrojtur nga drejtësia.

Gjithçka për karriken dhe pushtetin e tij në kurriz të Shqipërisë dhe shqiptarëve.', shkruan Basha në Facebook.

Kryeministri Rama bëri disa zëvendësime në qeveri. Niko Peleshi nuk do të jetë më ministër i Mbrojtjes, por do të jetë kreu i grupit parlamentar sociales. Në vend të tij u emërua Pirro Vëngu.

Elisa Spiropali do të mbaj postin e kryetares së parlamentit, ndërsa postin e ministrit të shtetit për marrëdhënien me Parlamentin do ta ketë Taulant Balla.

Ky i fundit u shkarkua nga ministri i Brendshëm, post që do mbahet nga Ervin Hoxha. Ndërkohë ndryshim në ministrinë e Financave, teksa u shkarkua Ervin Mete që do të zëvendësohet nga Petrit Malaj.

Rendit zhvillimet sipas orarit:
Ora 16:02
'12 vite e përralla e gënjeshtra', Bardhi reagon pas ndryshimeve në qeveri: Edi Rama prej 26 vitesh në politikë, i njëjti! Ka marrë peng të ardhmen

1722004434_bardhi.png

Sa i përket ndryshimeve në qeverinë Rama 3, ka reaguar edhe kreu i grupit parlamentar demokrat Gazment Bardhi, i cili e cilëson kryeministrin si gënjeshtar që ka marrë peng të ardhmen e Shqipërisë.

'Edi Rama prej 26 vitesh në politikë është i njëjti:

të vërtetën e quan helm;

korrupsionin e quan reformë;

hajdutin e quan të suksesshëm;

kriminelin e quan deputet;

vjedhjen e zgjedhjeve e quan fitore;

vilën e tij në Surrel e quan Shqipëri.

Gënjeshtar që ka marrë peng të ardhmen europiane të Shqipërisë! 12 vite përralla e gënjeshtra janë shumë kohe e humbur për Shqipërinë dhe shqiptarët e ndershëm.', shkruan Bardhi në Facebook.

G.K/Shqiptarja.com

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Timo: 28/07/2024 17:07

    Foli dhe ky i KOPit të Saliut. Ti anonim ishe, Saliu të ngrit lart se kështu ja rekomanduan.

    Përgjigju
  • Sondazhi i ditës:

    Kabineti i ri qeveritar, jeni dakord me ndryshimet e bëra nga Rama?

Lajme të tjera



×

Lajmi i fundit

Nga kamerier në Mykonos, në mikpritës turistësh në Fishtë

Nga kamerier në Mykonos, në mikpritës turistësh në Fishtë

28 Korrik, 18:24