POP 5

Lajmet më të lexuara të 5 minutave të fundit

Politikë

Basha takim në Lubjanë me kryeministrin e Sllovenisë: Mora garanci për nisjen e bisedimeve me BE brenda vitit

Kryedemokrati Lulzim Basha nga Sllovenia ku takoi kryeministrin dhe kreun e presidencës së ardhshme të BE, Janez Janša deklaroi se ka marrë mbështetje që brenda vitit të nisin bisedimet me BE për anëtarësimin e Shqipërisë. Basha tha se ka biseduar edhe për tërheqjen e investitorëve sllovenë në vendin tonë.

Basha takim në Lubjanë me kryeministrin e Sllovenisë: Mora garanci për nisjen e bisedimeve me BE brenda vitit

Kreu i Partisë Demokratike, Lulzim Basha

TIRANË- Kryedemokrati Lulzim Basha nga Sllovenia ku takoi kryeministrin dhe kreun e presidencës së ardhshme të BE, Janez Janša deklaroi se ka marrë mbështetje që brenda vitit të nisin bisedimet me BE për anëtarësimin e Shqipërisë. Basha tha se ka biseduar edhe për tërheqjen e investitorëve sllovenë në vendin tonë.

Ai tha se në fokus kanë qenë edhe marrëdhëniet mes 2 shteteve, për të intensifikuar punën me qëllim forcimin e bashkëpunimit.

"Sot pata kënaqësinë të takoja në Lubjanë, kryeministrin e Sllovenisë dhe kreun e Presidencës së ardhshme të Bashkimit Europian, Janez Janša.

E njoha mikun tim, kryeministrin slloven me planin tonë për integrimin, angazhimin për të përmbushur të gjitha detyrimet, duke nisur nga lufta pa kompromis kundër korrupsionit dhe krimit të organizuar. Kam kënaqësinë të ndaj me ju, se mora mbështetjen e kryeministrit Janša, vendi i cili merr në 6 muajt e ardhshëm presidencën e Bashkimit Europian, për të na mbështetur me nisjen e bisedimeve për anëtarësim në Bashkimin Europian brenda vitit. Për Shqipërinë nuk ka dhe nuk mund të ketë alternativë tjetër veç integrimit në Bashkimin Europian. Dhe për këtë, Partia Demokratike dhe unë jemi të vendosur të ndërmarrim çdo vendim dhe hap të nevojshëm.

Ramë dakort të koordinojmë veprimet dhe vendimet tona për ta përshpejtuar rrugën europiane të Shqipërisë si interesi më i madh i çdo shqiptari, si destinacioni ynë i vetëm. Kryeministri Janša më garantoi se Sllovenia do të jetë avokate e fuqishme e Shqipërisë në procesin e anëtarësimit në Bashkimin Europian. Po kështu, ne biseduam për forcimin e bashkëpunimit ekonomik dhe për të tërhequr dhe nxitur investitorët sllovenë të investojnë në Shqipëri, çka do të ndihmojë për punësimin e mirëqenien e qytetarëve tanë", tha Basha. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • JamKushJam: 17/02/2021 18:25

    Ehhhhhhh epo te ka faj Lulka???? Po ky Janushi ka shance vetem po te bashkpunoj me Ramen se ti vetem llafin hedh dhe shkon ja keput gjumit!!!!!

    Përgjigju
  • Haha: 17/02/2021 17:15

    Basha kryeminster kur te behet gomari prift. Haha tarravole krejt.

    Përgjigju
  • Like: 17/02/2021 16:18

    Nuk e paske kuptuar ti o k..e qe duhet visto e te gjitheve

    Përgjigju
  • Like: 17/02/2021 16:11

    Ti dhe gjithe presidentet e gjithe botes te takosh nuk mund te behesh kryeministrer i Shqiperise. Votat do ti japi populli ne 25 prill dhe jo presidenti i Sllovenis e te tjere. Kot e ke qe leviz majtas djathtas. Po mendoni te vini ne pushtet per te vjedhur e shkaterruar me shume Shqiperine. Nuk ju hapet barku per popullin juve.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

26 Dhjetor, 10:05 nga Armand Braho