POP 5

Lajmet më të lexuara të 5 minutave të fundit

Ekonomi

Basha: Terminali për pasagjerët
do u kushtojë zero lekë qytetarëve

Kreu i Bashkisë së Tiranës, Lulzim Basha ka prezantuar sot projektin për terminalit, duke se do të kushtojë zero lekë për qytetarët. Puna për realizimin e projektit do të nisë menjëherë sapo Këshilli Bashkiak t’i hapë rrugën procedura për koncesionin. VIDEO
TIRANE- Kreu i Bashkisë së Tiranës, Lulzim Basha ka prezantuar sot projektin për terminalit, duke se do të kushtojë zero lekë për qytetarët. Puna për realizimin e projektit do të nisë menjëherë sapo Këshilli Bashkiak t’i hapë rrugën procedura për koncesionin.
 
Kryebashkiaku tha se ky projekt bën pjesë në programin për një Tiranë moderne dhe europiane. “
 
“Ne synojmë t’i japim vëmendjen Tiranës si kryeqendra e shqiptarëve. Pyetjes se ku është stacioni i autobusëve nuk e di askush. S’ka një të tillë, sepse Tirana nuk ka terminal autobusësh. Pika ku ndalojnë po ku nuk shërbehet askush. As udhëtari nuk ka shanse që të gjejë mikpritjen që ofron kryeqyteti. 6 ton gaz karbonik çlirohet përditë, jo nga automjetet, por nga automjete që vijnë nga qytete të tjera. Dy mijë e ca automjete hyjnë e dalin.
 
Sot nuk kemi vetëm vizionin e dëshirën por kemi planin e plotë, por na ndan vetëm një hap nga realizimi. Më lejoni t’ju them se ajo që është sot sfidë për kryeqytetin nesër do të 3-fishohen. Pas 15 vjetësh numri i automjeteve të mëdha për transport udhëtarësh do të shkojë në mbi 8 mijë. Terminali që ofrojmë sot, në hyrje të qytetit, bën të mundur shërbimin për 60 mijë pasagjerë, dhe ka kapacitetin për t’ju shërbyer 220 mijë pasagjerëve. Vlera e përllogaritur 41 milionë euro, norma e brendshme e kthimit të çmimit, 22%. Pyetja ku janë lekët? Këtu qëndron edhe zgjidhja bashkëkohore, përgjigja është projekti do fillojë pasi Këshilli Bashkiak të hapë rrugën, për miratimin e këtij projekti.
 
Ky projekt u kushton 0 lekë taksapaguesve të Tiranës. Interesi i madh i partnerëve do të bëjë të mundur pas hapjes së rrugës nga mbyllja politike e Këshillit Bashkiak. Shpreh besimin se nesër, në prag të statusit, të kemi një Shqipëri Europiane”, tha Basha.
 
Në prezantimin e projektit, Basha tha se ai përfshin 340 vendparkime, 3 platforma tramvaji, 5 platforma treni, dhe do t’u shërbehet 60 mijë pasagjerë. Ndërsa kapaciteti maksimal është për 220 mijë pasagjerëve deri në vitin 2035.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku