POP 5

Lajmet më të lexuara të 5 minutave të fundit

Politikë

Basha zero fjalime në Kuvend përgjatë shtator-dhjetor 2022! Braçe e Tabaku më aktivët! 4 ministre ia kalojnë Ramës

Erion Braçe nga socialistët dhe Jorida Tabaku së bashku me Enkelejd Alibeajn janë cilësuar si deputetët më efiçentë në këtë sesion parlamentar. Ato kanë qenë deputetët të cilën kanë qenë më aktivë në parlament me anë të nismave ligjore, me  debate në komisione dhe në seancat plenare.

Basha zero fjalime në Kuvend përgjatë shtator-dhjetor 2022! Braçe e Tabaku më aktivët! 4 ministre ia kalojnë Ramës

Kuvendi i Shqipërisë

TIRANË- Erion Braçe nga socialistët dhe Jorida Tabaku së bashku me Enkelejd Alibeajn janë cilësuar si deputetët më efiçentë në këtë sesion parlamentar. Ato kanë qenë deputetët të cilën kanë qenë më aktivë në parlament me anë të nismave ligjore, me debate në komisione dhe në seancat plenare.

Instituti i Studimeve Politike ka publikuar së fundmi raportin e tij shtator-dhjetor 2022, në të cilën ka zbuluar edhe 22 deputetët që kanë zgjedhur të flasin me heshtje, pra që nuk kanë mbajtur asnjë fjalë në Kuvend, mes tyre edhe ish kryetari i PD-së, Lulzim Basha. Përgjatë këtyre 4 muajve, kur në PD kanë “gëluar” zhvillimet politike brenda vetë partisë, Basha nuk ka mbajtur asnjë fjalë në ‘Foltoren’ e Kuvendit. 

Përveç Bashës, në këtë listë janë edhe Luljeta Bozo, Tomor Alizoti, Edi Paloka, Benet Beci dhe Zef Hila. Nga emrat e përhershëm në listën e bilancit negativ të aktivitetit parlamentar vijojnë të jenë Rrahman Rraja, Paulin Sterkaj, Aagron Çela apo edhe prurjet e reja 2021, Orlando Rakipi.

22 deputetët e heshtur

Kryeministri Edi Rama ka qenë jo pak aktiv në jetën parlamentare, e megjithatë, 4 ministre “ia kanë kaluar”, duke mbajtur më shumë se ai fjalime. Bëhet fjalë për ministrjen e Infrastrukturës Belinda Balluku, ministren e Ekonomisë, Delina Ibrahinaj, ministrja e Shtetit, Elisa Spiropali dhe ajo e shëndetësisë, Ogerta Manastirliu. Rama numëron 8 diskutime totale, në ndryshim me ministret që kanë nga 10-15. Kjo edhe për shkak të axhendës së kreut të qeverisë, në angazhimet që ka pasur përfshirë edhe udhëtimet jashtë vendit. Kryeministri rezulton se statistikisht ka folur dy herë më pak, sesa tri ministre të tij, por për nga minutazhi vijon të jetë deputeti më me shumë minuta fjalime në parlament, për shkak të pozitës së privilegjuar të fjalimeve pa afat që mban nga pozita e të qenit kryeministrit.

Ministrat më aktivë

Një bilanc pozitiv, është fakti se referuar të dhënave, gratë deputete, ashtu si në shumicën e sesioneve të kaluara parlamentare, kanë shënuar nivel efikasiteti 6% më të lartë, sesa burrat. Në terma konkretë, gratë deputete kanë mesatarisht 43 pikë nga 100 pikë të mundshme angazhimi, ndërkohë që deputetët burra kanë vetëm 38 pikë nga 100 të mundshme. Në krye të listës së deputetëve më efektivë është një grua deputete, ndërkohë që në 20 deputetë më pak efektivë gjenden 3 gra dhe 17 burra.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Integrimi, BE i kërkon Shqipërisë qëndrimin për Kapitullin 6! Pritet të hapet brenda vitit

Integrimi, BE i kërkon Shqipërisë qëndrimin për Kapitullin 6! Pritet të hapet brenda vitit

25 Nëntor, 11:31