POP 5

Lajmet më të lexuara të 5 minutave të fundit

Sociale

Bashkia e Durrësit sekuestron
shezlonet e bizneseve pa licencë

Sekuestrohen shezllonet dhe çadrat e disa subjekteve në plazhin e Durrësit. Bashkia e këtij qyteti kishte dhënë një afat dy javor që subjektet private që operojnë në plazhë të pajisen me leje nga bashkia për ushtrim aktiviteti. Shumica prej subjekteve janë pajisur ndërsa tre prej tyre që nuk kishin licencë u janë sekuestruar çadrat dhe shezllonet.  VIDEO
Ashtu sic ishte paralajmëruar, departamenti i Tatim Taksave në bashkinë e Durrës ka nisur kontrollin e plazheve publike që nuk kanë paguar detyrimet financiare.

Aksioni është zhvilluar në zonën e Shkëmbit të Kavajës ku gjatë paradites janë sekuestruar çadrat dhe shezlonët e tre subjekteve që operojnë si plazhe private.

Abdyl Koka, drejtor i departamentit të tatim taksave shprehet se ne i kishim njoftuar me shkresë dy javë më parë dhe sot shohim se shumica e subjekteve i kanë paguar detyrimet, me një përjashtim të vogël, për të cilët sipas ligjit po i sekuestrojmë pajisjet. 

“Ne kemi dhënë një verdikt në lidhje me pagesat  dhe detyrimet që kanë subjektet konform ligjit. Sot mbarojmë tek “Shkëmbi i Kavajës’ nesër nisim tek lagjia 13 e Durrësit.Kemi ardhur kemi dhënë letra pjesa më e madhe kanë shkuar kanë aplikuar kanë bërë pagesat, për pjesën tjetër që i shmangen detyrimeve ne po marrim masa duke i bllokuar aktivitetin” shprehet Abdyl Koka drejtor i Tatim Taksave në bashkinë Durrës
 
Gjatë ditës së sotme pritet të mbyllet aksioni në Shkëmbin e Kavajës dhe më pas nis kontrolli në lagjen 13 të plazhit.

Në total janë 116 subjekte private që kanë aplikuar për plazhe private nga plazhi i Currilave deri në kufi me Golemin te Përroi i Agait.

Deri tani janë sekuestruar pajisjet e 33 plazheve private.

Këto të fundit marrin leje nga bashkia për përdorimin e një sipërfaqe prej 200 metër katror për plazh privat për të cilin paguajnë 60 mijë lekë të reja për gjithë sezonin.

Redaksia Online
e.m/Shqiptarja.com
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55