Plehrat e hedhura rrugëve dhe kontejnerët e mbushur plot është panorama që të ofrohet në rrugët e Ishmit, një ndër njësitë më të mëdha administrative në Durrës me rreth 9 mijë banorë. Kontejnerët nuk janë pastruar prej një muaji, ndërsa qendra e fshatit kundërmon ere të rëndë.
Banorët ankohen për ndotjen alarmante, ndërsa shqetësimi i tyre ka rënë në vesh të shurdhët.
"Këto plehra kanë shumë kohë kështu, pastrohen rrallë", thotë një banor.
![](https://shqiptarja.com/template/img/NO_ALFA_Kuadrate shqiptarja.png)
Ndërsa një tjetër ironizon se "Na kërkojnë të ruhemi nga korona, shiheni ku e keni këtu koronën".
Njësia administrative e Ishmit, e përbërë nga 9 fshatra është pjesë e Bashkisë së Durrësit.
Kriza e menaxhimit të mbetjeve preku edhe vete qytetin bregdetar rreth një muaj më parë. Bashkia e Durrësit arriti një marrëveshje provizore me inceneratorin e Sharrës për përpunimin e mbetjeve.
Por duket se bashkia është kujdesur vetëm për pastrimin e qytetit duke lënë të përmbytura nga plehrat fshatrat që janë në juridiksionin e saj.
Mbeturinat në Ishëm
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)