POP 5

Lajmet më të lexuara të 5 minutave të fundit

Politikë

Bashkia e Tiranës: Rama për
11 vjet injoroi statusin e Parkut

Bashkia e Tiranës i ka replikuar akuzave të kryesocialistit Edi Rama në lidhje me prerjen e pemëve të Parkut të Liqenit me qëllim zgjerimin e Rrugës së Elbasanit.
Bashkia e Tiranës: Rama për <br />11 vjet injoroi statusin e Parkut
TIRANE – Bashkia e Tiranës i ka replikuar akuzave të kryesocialistit Edi Rama në lidhje me prerjen e pemëve të Parkut të Liqenit me qëllim zgjerimin e Rrugës së Elbasanit. Nga selia e qeveriesjes së kryeqytetit, përmes një komunikate për shtyp, i kujtohet zotit Rama se gjatë kohës kur ishte ai kryetar bashkie, parkut “për 11 vjet nuk ju dha statusi ligjor për ta mbrojtur atë nga ndërhyrjet e shumta që ndodhën, me dhe pa leje, gjatë asaj periudhe”.

Bashkia e Tiranës shprehu gjithashtu “keqardhjen e thellë që z. Rama zgjodhi sërish këtë të dielë për të vënë konfliktin politik mbi interesat e qytetarëve të Tiranës”. “Rruga e Elbasanit është një arterie e rëndësishme kombëtare – shpjegon komunikata - si porta kryesore hyrëse dhe dalëse për linden dhe juglindjen e vendit dhe një prej rrugëve urbane të Tiranës, që prej kohësh ndjen nevojën e zgjerimit për të akomoduar nevojat e komunitetit dhe banorëve të komunave fqinjë”.

Sipas Bashkisë, zgjerimi i kësaj rruge do të lehtësojë ndjeshëm trafikun, do të ulë koston e lëvizshmërisë dhe do të ndikojë në reduktimin e ndotjes.

Bashkia e Tiranës sqaron se “projekti i zgjerimit me 6 korsi i rrugës së Elbasanit parashikon mbjelljen e 480 pemëve decorative” ndërsa vetëm gjatë 9 muajve të fundit “në Park janë mbjellë 500 pemë të reja dhe do të mbillen edhe 3 mijë të tjera brenda vitit”.

(im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Hidhet ujë dhe përdoret gaz lotsjellës tek sheshi Uilson për të shpërndarë protestuesit

Hidhet ujë dhe përdoret gaz lotsjellës tek sheshi Uilson për të shpërndarë protestuesit

26 Nëntor, 18:19