POP 5

Lajmet më të lexuara të 5 minutave të fundit

Sociale

Shoqata e Transportit kërkoi rritjen e çmimit të biletave, Bashkia Tiranës: Nis disbursimi i subvencionit për transportin publik, do përfitojnë 1 milionë euro

Bashkia e Tiranës ka nisur disbursimin e subvencionit për transportin publik në kryeqytet. Për muajin Janar 2022, shoqatat e transportit marrin në total 120 mijë euro, ndërkohë që pagesat do të bëhen çdo muaj në bazë të skemës së subvencionimit. Shuma totale e subvencionit e miratuar nga Bashkia e Tiranës si paketë ndihmë për operatorët e transportit publik është 1 milionë euro.

Shoqata e Transportit kërkoi rritjen e çmimit të biletave, Bashkia Tiranës: Nis disbursimi i subvencionit për transportin publik, do përfitojnë 1 milionë euro

Foto ilustruese

Bashkia e Tiranës njofton se ka nisur disbursimin e subvencionit për transportin publik në kryeqytet. Sipas Bashkisë, për muajin Janar 2022, shoqatat e transportit marrin në total 120 mijë euro, ndërkohë që pagesat do të bëhen çdo muaj në bazë të skemës së subvencionimit. Në njoftim thuhet se shuma totale e subvencionit e miratuar si paketë ndihme për operatorët e transportit publik është 1 milionë euro.

Bashkia njofton se kjo është hera e parë që transporti publik subvencionohet përmes një pakete prej 1 milion eurosh me qëllim përballimin e situatës, por dhe përmirësimin e shërbimit ndaj qytetarëve. Subvencionimi 1 milion euro do të mbulojë periudhën përgjatë gjithë vitit 2022.

Kujtojmë që një ditë më parë, Shoqata e Transportit kërkoi të rritet çmimi i biletës në 80 lekë nga 40 lekë që është aktualisht, ndërsa kanë shkurtuar edhe numrin e autobusëve që nxjerrin çdo ditë në qarkullim. Kjo ka ardhur, sipas tyre, pasi nuk i është ofruar asnjë ndihmë nga autoritetet përgjegjëse.

Më herët, Shoqata e Transportit ka 'kërcënuar' se nëse nuk do i plotësohen kërkesat e tyre (rimbursimi i TVSH dhe i kategorive me aftësi të kufizuar, heqja e akcizës 37 lekë/litër dhe heqja e taksës së qarkullimit në karburant), do të pezullonin punën në 1 mars, por kur kjo nuk ndodhi, kanë marrë një tjetër vendim që ka ndikuar në përditshmërinë e qytetarëve, duke ulur numrin e autobusëve dhe kërkuar rritjen e biletës. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

PD: Balluku shfaqje nëpër fasoneri, euro në pikiatë

PD: Balluku shfaqje nëpër fasoneri, euro në pikiatë

26 Dhjetor, 19:54