POP 5

Lajmet më të lexuara të 5 minutave të fundit

Sociale

Bashkia Poliçan me Komision Qytetar

LëvizAlbania, mbështetur financiarisht nga Zyra Zvicerane për Zhvillim dhe Bashkëpunim ka financuar projektin Ngritja dhe funksionimi i Komisionit Qytetar në bashkinë e Poliçanit.
Bashkia Poliçan me Komision Qytetar

Bashkia Poliçan

Me 8 mijë banorët e qytetit dhe rreth 18 mijë banorët e bashkisë, Poliçani renditet ndër bashkitë e vogla në vend. Indeksi i kënaqësisë qytetare, që u mat nga një anketim, që realizoi PNUD nëpërmjet projektit STAR2, tregoi se qytetarët e Poliçanit janë më të kënaqurit në rang vendi me shërbimet që marrin prej bashkive të tyre sëbashku me Korçën dhe Vorën.

Por shtrirja e madhe gjeografike, distanca e fshatrave nga qendra e bashkisë, numri i vogël i këshilltarëve bashkiakë, indiferenca e qytetarëve ndaj punës dhe veprimtarisë të pushtetit vendor duket se e kanë larguar pushtetin nga qytetari. 

Pikërisht me synimin për të nxitur reagimin qytetar, LëvizAlbania, mbështetur financiarisht nga Zyra Zvicerane për Zhvillim dhe Bashkëpunim ka financuar projektin Ngritja dhe funksionimi i Komisionit Qytetar në bashkinë e Poliçanit.

Projekti po zbatohet nga organizata “Misionarë të të Drejtave Sociale” me qendër në Kuçovë. Projekti synon rritjen e transparencës së pushtetit vendor; stimulimin e qeverisjes së mirë dhe transparencës dhe rritjen e ndërgjegjësimit të publikut për rëndësinë e transparences dhe pjesëmarrjes në vendimmarrje publike.

Nga takimet dhe konsultimet e shumta me qytetarët janë përzgjedhur 25 përfaqësues nga të gjitha grupet e interesit ku 40 për qind e përbëjnë grate dhe vajzat, të cilët do të përfaqësojnë mendimin qytetar në marrëdhënie me këshillin bashkiak dhe administratën e bashkisë.

Për të institucionalizuar këtë komison është gjykuar firmosja e një memorandum bashkëpunimi ndërmjet bashkisë, këshillit bashkiak dhe komisionit qytetar të bashkisë Poliçan. Kryetari i bashkisë Adriatik Zotkaj, i cili është në mandatin e katërt që drejton bashkinë Poliçan, e ka mirëpritur këtë projekt dhe ka mbështetur zbatimin e tij.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu