POP 5

Lajmet më të lexuara të 5 minutave të fundit

Arkiva

Bashkia – Ramës: Kemi pajisur me leje përdorimi 200 objekte, për të cilat heshte 11 vjet

TIRANË, 9 Korrik /ATSH-Gjergji Mima/ -Bashkia e Tiranës ka reaguar pas deklaratave që bëri sot pasdite Kryeministri Edi Rama gjatë një takimi me banorët e pallateve Hawai, ku tha se, “Basha premtoi shërimin e kësaj plage në Tiranë. Por 1200 familje të Hawai dhe mijëra familje janë pa titull pronësie. Bashkia kishte dy vjet kohë […]
TIRANË, 9 Korrik /ATSH-Gjergji Mima/ -Bashkia e Tiranës ka reaguar pas deklaratave që bëri sot pasdite Kryeministri Edi Rama gjatë një takimi me banorët e pallateve Hawai, ku tha se, "Basha premtoi shërimin e kësaj plage në Tiranë. Por 1200 familje të Hawai dhe mijëra familje janë pa titull pronësie. Bashkia kishte dy vjet kohë për ta bërë. Ne e bëmë për më pak se 300 ditë. Në 300 ditë kemi legalizuar më shumë se ata në 8 vjet".
Sipas Bashkisë së Tiranës, "paaftësia dhe mashtrimi janë dy bashkudhëtarë të pandarë të Edi Ramës. I dëshpëruar nga bilanci zero në krye të 300 ditëve, Rama iu rikthye të vetmes dajre të vjetër që di t'i bjerë. Me sulmet dhe përbaltjet ndaj Bashkisë së Tiranës, mendon se do ta shesë prapë "sapunin për djathë".
"Në 300 ditë asnjë bilanc, vetëm mashtrime dhe bllokime. Rama bllokoi çdo shërbim për qytetarët e Tiranës, që nga varrezat, strehimi, investime në shkolla, kopshte, çerdhe e rrugë. Bllokoi investimin më të rëndësishëm të Tiranës, bulevardin e ri, projektin e tramit dhe terminalin", thuhet në reagimin e bashkisë.
"Me "diarrenë" e sotme verbale nuk mbulon dot të vërtetën se nuk ka legalizim falas. Bashkia e Tiranës ka pajisur me leje përdorimi 200 objekte për të cilat Rama heshti 11 vjet, dhe iu ka mundësuar më shumë se 60 mijë qytetarëve të Tiranës të kenë tapinë e shtëpisë së tyre", përfundon reagimi i Bashkisë së Tiranës. /a.ke/
 
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51