POP 5

Lajmet më të lexuara të 5 minutave të fundit

Sport

Bashkia Shkodër kërkon “Loro Boriçin”, FSHF nuk ka dorëzuar aktin e kolaudimit

Teksa stadiumit “Arena Kombëtare” po i vjen fundi në Tiranë, në Shkodër shtrohet çështja e stadiumit “Loro Boriçi”, që pritet t’i kalojë në administrim bashkisë së këtij qyteti, por FSHF duhet të dorëzojë lejen e ndërtimit të stadiumit.
Bashkia Shkodër kërkon “Loro Boriçin”, FSHF nuk ka dorëzuar aktin e kolaudimit

Stadiumi "Loro Borici"

Pas rikonstruksionit dhe mbajtjes tre vjet në administrim nga ana e Federatës Shqiptare të Futbollit, stadiumi “Loro Boriçi” në Shkodër do t’i rikthehet bashkisë së këtij qyteti. Mirëpo institucioni i qeverisjes vendore në Shkodër nuk e merr në dorëzim impiantin e rikonstruktuar të futbollit nga Federata.

Në mbledhjen e fundit të këshillit bashkiak të Shkodrës, zyrtarë të bashkisë kanë njoftuar anëtarët e këshillit se stadiumi nuk është marrë ende në dorëzim për shkak të mungesës së dokumentacionit.

Pas përfundimit të kontratës tre vjeçare mes bashkisë Shkodër dhe FSHF-s, ku kjo e fundit kishte administrimin e stadiumit, ka pasur diskutime rreth vijimsisë së menaxhimit të “Loro Boriçit”.

Federata i ka propozuar bashkisë së Shkodrës dy variante për menaxhimin e stadiumit. Së pari, varianti kur bashkia dhe federata janë në bashkëpronësi. Dhe së dyti, variantin që Bashkia Shkodër ka kontrollin e plotë.

Në qytetin verior duan që stadiumin ta kenë në pronësi të plotë, por i kanë kërkuar Federatës dokumentacion shtesë për këtë. Kështu, që të kryhet dorëzimi, duhet që Federata Shqiptare e Futbollit të dorëzojë në Bashkinë Shkodër lejen e ndërtimit të stadiumit dhe aktin e kolaudimit të tij, dy dokumenta të cilat duket se mbajnë peng gjithë procesin e transferimit të stadiumit.

Ndërkohë, ende mbetet e paqartë ku do t’i luajë ndeshjet ekipi i Vllaznisë pas rënies në Kategorinë e Parë, teksa shorti e ka vënë në javën e parë ndaj Korabit në shtëpi.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

30 Janar, 08:44