POP 5

Lajmet më të lexuara të 5 minutave të fundit

Ekonomi

Bashkia Tiranë heq taksat për
bizneset me mbi 50 punëtorë

Ky është një premtim i fushatës së Bashës që sipas nënkryetares së bashkisë, Jorida Tabaku është bërë realitet
Bashkia Tiranë heq taksat për<br />bizneset me mbi 50 punëtorë
TIRANË – Sipërmarrësit që hapin një biznes të ri në Tiranë dhe punësojnë 50 persona, Bashkia e Tiranës iu heq taksat lokale për 4 vjet. Ky është një premtim i fushatës së Bashës që sipas nënkryetares së bashkisë, Jorida Tabaku është bërë realitet.

Deklarata u bë gjatë një forumi të Bshkisë së Tiranës me 30 përfaqësues të biznesit të 30 vendeve anëtare të Bankës Islamike për Zhvillim. Tabaku tha se Tirana është një qytet atraktiv për investimet e huaja, duke renditur masat e marra për të lehtësuar klimën e biznesit.

Sipas Tabakut, për çdo biznes të ri, i cili regjistrohet në qytetin e Tiranës dhe punëson më shumë se 50 persona, ka përjashtim nga taksat lokale për 4 vite. Ndërsa bizneset që punojnë në infrastrukturë përpos heqjes së taksave lokale do të kenë edhe 30% ulje në taksën e infrastrukturës.

Nënkryetarja e bashkisë më tej u shpreh se “Bashkia e Tiranës është pronare e 6000 aseteve dhe ne duam që t’i gjallërojmë këto prona”. Ajo kërkoi bashkëpunimin e biznesmenëve për të investuar në këto hapësira, të cilat për momentin nuk janë të shfrytëzuara. “Trami dhe Terminali i ri i Pasagjerëve janë një tjetër mundësi e madhe për investime në Tiranë”, përfundoi ajo. (r.d./shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lituania njofton paketën e re të ndihmës ushtarake për Ukrainën

Lituania njofton paketën e re të ndihmës ushtarake për Ukrainën

25 Nëntor, 08:21