TIRANE - Për vitin 2015 Bashkia e Tiranës nuk do të investojë asnjë lekë për Kopshtin Zoologjik. Jo vetëm për këtë vit por dhe për vitin e ardhshëm bashkia nuk ka planifikuar projekte të reja, si për infrastrukturën dhe për kafshët.

Në Programin Buxhetor Afatmesëm 2015-2017 dhe relacionet që zotëron gazeta, bashkia nuk ka përfshirë Kopshtin Zoologjik ndër prioritet e saj. Në buxhetin e bashkisë për Kopshtin Zoologjik, është përfshirë vetëm pjesa e pagave për punonjësit dhe blerja e ushqimit për ato pak kafshë që kanë ngelur. Lënia pas dore që i është bërë Kopshtit Zoologjik tregohet dhe nga ushqimet që bashkia ka blerë nga kafshët.