Për herë të parë Tirana do të ketë edhe autobusë 100% elektrikë. Bashkia do të bëjë pjesë të flotës së transportit publik 5 autobusë tërësisht elektrikë, krahas 26 autobusëve hibridë.

Synimi, është transformimi drejt mjeteve me emetime të ulëta dhe zero, për një transport publik ekologjik duke krijuar një alternativë miqësore me mjedisin.

“Kjo është flota e re e autobusëve për linjën e unazës. Janë 100% elektrikë, kanë ardhur me zero kilometra, prodhim i 2025”, thotë Eluar Abdyli administrator i Green Line.

Një tjetër zhvillim i rëndësishëm që lidhet me transportin është projekti BRT (Bus Rapid Transit), për të cilin, në bashkëpunim me Bankën KfW dhe GIZ, që synon të dyfishojë kapacitetin e transportit të udhëtarëve dhe të krijojë korsi të dedikuara për autobusët, duke rritur shpejtësinë, efikasitetin dhe besueshmërinë e transportit publik.

Në fazën fillestare, ndërhyrjet parashikohen të përqendrohen në linjat kryesore Unaza, Kinostudio–Kombinat dhe Tirana e Re, të cilat përbëjnë korridore të rëndësishme të lëvizjes së përditshme në kryeqytet.

Kjo shihet si një strategji që qytetarët të përdorin gjithnjë e më shumë transportin publik. Sipas të dhënave të Bashkisë, që nga viti 2021, numri i pasagjerëve është rritur me 66%.

Xh.K / A.E
A.Hl
Shqiptarja.com
Sa e vlerësoni këtë artikull?
★ ★ ★ ★ ★
4.0 / 5 (5 vlerësime)
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 12 Nëntor, 17:55

    Gjoba protestuesve që bllokojnë rrugët gjatë tubimeve, si e vlerësoni?

Lajme të tjera