Nga data 1 janar  2019 shërbimi i transportit urban publik në Vlorë i është dhënë me vendim të këshillit bashkiak një kompanie private.

Prej ditësh punonjësit e Parkut të Autobusëve të Bashkisë Vlorë kanë nisur një valë protestash, pasi kanë humbur vendin e punës.

Ata e cilësojnë dhënien e shërbimit urbane një kompanie private si një akt korruptiv me pasoja financiare, teksa shtojnë kjo punë ishte e vetmja e ardhur për familjet e tyre.

Janë rreth 60 punonjës, shoferë, faturino, mekanikë, që kanë humbur vendin e punës.

"Ku i ke autobusët ku venë fondet që ishin parashikuar për ne, ku janë subvencionet, pse janë përgjysmuar? ne kërkojmë të futemi prapë në punë"

"Ne jemi bërë gati o të vdesim ne ose ai që na hodhi në rrugë. kush i ka vjedhur lekët e parkut të shkojë në burg, po i kam vjedhur unë do shkoj unë".

"Të 60 familjet janë pa bukë në darkë"

Protestuesit kanë paralajmëruar përshkallëzim të grevës nëse nuk ju zgjidhet problematika sa më shpejt.