POP 5

Lajmet më të lexuara të 5 minutave të fundit

Ekonomi

Bashkimi Evropian-Shqipërisë:
Hiqni TVSH për projektet tona!

Bashkimi Evropian aktualisht po negocion me ministrinë shqiptare të Financave lidhur me një pengesë absurde burokratike, që qeveria Berisha vendos ndaj projekteve që financohen me fonde të Brukselit.
Bashkimi Evropian-Shqipërisë: <br />Hiqni TVSH për projektet tona!
TIRANE - Bashkimi Evropian aktualisht po negocion me ministrinë shqiptare të Financave lidhur me një pengesë absurde burokratike, që qeveria Berisha vendos ndaj projekteve që financohen me fonde të Brukselit. Fondet nga BE në drejtim të Shqipërisë në kuadër të projekteve të ndryshme që lidhen me instrumentat e para-aderimit (IPA - Instrument for Pre-Accession) aktualisht hyjnë në financimet që taksohen me Tatimin mbi Vlerën e Shtuar (TVSH), çka konsiderohet si një absurditet nga ana e organizmave komunitare.

Sipas tyre, vendet e tjera që janë në proces aderimi, kandidimi apo përafrimi me strukturat e Bashkimit Evropian për procese të ngjashme financimi nuk taksojnë fondet e dhuruara nga BE. Politika që ndiqet në këtë rast është ajo e përjashtimit me ligj të të gjitha fondeve të financuara nga Brukseli për projekte të përbashkëta, ashtu sikurse qeveritë përjashtojnë financime të tjera, me rëndësi të veçantë për vendin. Sipas burimeve nga BE, Brukseli tashmë i ka kërkuar zyrtarisht qeverisë shqiptare të heqë taksimin për këto fonde, sikurse një gjë të tillë e kanë bërë vendet e tjera.

Gjithnjë sipas këtyre burimeve, kostoja financiare e TVSH-së, që mbulon këto projekte të financuara nga komuniteti evropian llogaritet në rreth 100 mijë euro në vit.
Instrumentat e para-aderimit kanë të bëjnë me financimin e projekteve në fusha të ndryshme, të tilla si transportin, arsimin, luftën kundër korrupsionit, mbrojtjen e mjedisit, etj.

Në paketën fiskale të sapomiratuar nga Kuvendi, nuk përfshihet asnjë nismë e tillë, por TVSH-ja hiqet për makineritë e investimeve mbi 500 mijë dollarë.

Shkrimi u botua në numrin e sotëm të së përditshmes SHQIPTARJA.com
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin

Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin

26 Nëntor, 10:29