Bashkimi i Bardhit me Rithemelimin, anëtari i Kryesisë së PD: Grup deputetësh endacakë! Mandatin në Elbasan e mori me shqelma

 

Anëtari i Kryesisë së PD, Besart Logu ka ‘shigjetuar’ grupin e deputetëve të Gazment Bardhit, të cilët tashmë iu bashkuan Rithemelimit të Sali Berishës. Në Report Tv, Logu i quajti një grup deputetësh endacakë që shkojnë nga mbledhja në mbledhje, pa një të ardhme të qartë politike por kanë si synim të kapin një mandat për zgjedhjet e ardhshme.

"Institucionet brenda kësaj partie, strukturat, anëtarët, simpatizantët, asnjërën nuk e ka. Ka një grup deputetësh endacakë që shkojnë nga mbledhja në mbledhje. Një grup deputetësh endacakë, pa të ardhme të qartë politike, synimi i parë dhe i vetëm është të kapin një mandat deputeti. S’kanë as struktura në PD, as anëtarë dhe as simpatizantë. Bardhi nuk është grupim, mos i vishni kostum që i rri i madh", tha Logu. 

LEXO EDHE:
Sulmet ndaj SPAK, Meçe: Të isha prokuror Metës do t’i kisha vënë prangat! Avokati: Tritolin ndaj gjyqtarit ta shohim me sy pozitiv, tregon se drejtësia po funksionon

Sipas tij, Bardhi mezi e mori mandatin në Elbasan në zgjedhjet parlamentare të 2021.

"Gazment Bardhi e mori mandatin me shqelma, pyesni anëtarët e KZAZ në Elbasan si e fitoi mandatin. 2 i PD mezi mori mandatin", vijoi Logu. 

Lajmi kryesor:

Negociatat/ Anëtari i Kryesisë së PD: Rama bashkëpunim me Berishën, non gratat i ka në qeveri! Braimllari: Opozita betejën e ka në Kuvend

SI.E./E.B/Shqiptarja.com

TAG:
• studio live
• Rithemelimi kaos ne kuvend
• besart logu
• endrit braimllari
• reforma zgjedhore