Bashkimi i Bardhit me Rithemelimin, Beqiri: Noka e ka bërë të flasë me vete për ngjarjen në Elbasan! Shantazhojnë njëri-tjetrin

Teksa foli për situatën më të fundit të krijuar në kampin opozitar, me bashkimin e grupit të deputetëve të Gazment Bardhit me Rithemelimin, avokati Idajet Beqiri tha se bëhet fjalë për interesa personale të personave që kanë pranuar të bashkohen me Berishën.

“Këta janë disa njerëz që janë niveli i ulët i politikës shqitpare, nuk kanë autoritet që t’u imponohen shqiptarëve si intelektualë apo politikanë vizionarë. Këta mbërthehen pas pantallonave të dikujt që konsiderohet si i rëndësishëm. Sipas këtyre i fuqishëm është Berisha që ka 5 veta pas vetes dhe duan të marrin ndonjë vend si deputetë. Futen dhe bëjnë hesape të tilla të marrin karrige deputeti por kanë edhe arsye të tjera”- tha avokati.

I ftuar në ‘Studio Live’ me gazetarin Arbër Hitaj në Report Tv, Beqiri tha se shkak për këtë bashkim është bërë shantazhi që të dyja palët i bëjnë njëra-tjetrës për çështje të ndryshme.

Gaz Bardhi është i bindur se është i varur nga Flamur Noka edhe ky i fundit është i varur nga Bardhi. Jam i bindur se nesër kur të hetohet cështja madje edhe një media do të përfundojnë pas hekurave minimumi për moskallëzim krimi. Flamur Noka e ka bërë të flasë me vete Bardhin që në momentin kur Bardhi shkoi për të publikuar dokumentet e vilës së Flamur Nokës në Gjirin e Lalëzit. Bardhi i ka të gjithë dokumentet se me cilat para është bërë ajo vilë 3-4 milionë euro. Në momentin që u mor vesh se do shkonte tek Fevziu, ia futën këmbët në një këpucë Bardhit, i kopsitën dosjen që është bashkëpunëtor në vrasjen e Xhuvanit në Elbasan. E detyruan të legenoset deri në fazën që të shkojë tek shtëpia e Berishës atje poshtë e të rijë si një qyqar”- u shpreh Beqiri.

Lajmi kryesor:

Avokati Beqiri paralajmëron kallëzim në SPAK ndaj Flamur Nokës: Përfitoi 50 milionë euro nga ‘afera e pasaportave’! I mori paratë bashkë me Berishën

B.V/E.H/Shqiptarja.com

TAG:
• idajet beqiri
• studio live
• spak
• flamur noka
• Rithemelimi
• sali berisha