Ndryshime të reja parashikohen në aktivitetin e lojërave të fatit. Me një Udhëzim të ministrit të Financave, tashmë shoqëritë e lojërave të fatit të licensuara në kategorinë e basteve sportive do të lejohen të hapin adresa sekondare, por sipas një procedure regjistrimi të rinovuar.

Ato duhet të paraqesin në Autoritetin e Mbikëqyrjes së Lojërave të Fatit (AMLF) dokumentacionin e mëposhtëm: Kërkesë për hapjen e pikave dhe adresën e saktë të saj; Kopje të letërnjoftimit dhe kontratës së punës për punonjësin, i cili do të jetë i punësuar në këtë pikë; Miratimin paraprak të marrë në AMLF nga pronari i ambientit në të cilin do të ushtrohet aktiviteti i lojërave të fatit, sipas përcaktimeve të nenit 3, të ligjit nr. 155/2015, “Për lojërat e fatit në Republikën e Shqipërisë”;