POP 5

Lajmet më të lexuara të 5 minutave të fundit

Sport

Bayern 'asfalton' Interin, Napoli 'çmonton' Liverpool-in! Lewandowski i papërmbajtshëm në Champions, fiton edhe Tottenham

Interi është dorëzuar pa kushte ndaj Bayernit në Champions League, me gjermanët që fituan 0-2 sfidën e grupeve. Ndërkohë surpriza e mbrëmjes ishte Napoli që çmontoi 4-1 Liverpool-in e Jurgen Kloop, ndërsa Barcelona shkatërroi 5-1 Viktoria Pëlzen.

Bayern Mynih e ka nisur sezonin në Champions League duke shkëlqyer pavarësisht se përballë kishte Interin. Sfida më e shumëpritur e së mërkurës përfundoi 0-2 në favor të gjermanëve, të cilët realizuan fillimisht me Sane dhe më pas një autogol i italianëve. Përveç fitores pa shumë vështirësi bëri përshtypje mungesa e dëshirës për të luajtur te Interi, pasi skuadra e drejtuar nga Inzaghi u pajtua herët me humbjen.

Sfida tjetër e këtij grupi mes Barcelonës dhe Plzen përfundoi me shifrat tenistike 5-1. Protagonist absolut ishte Leëandoëski me ‘tripletë’, ndërsa golat e tjerë u realizuan nga Kessie dhe Ferran Torres.

Surpriza më e madhe e mbremjes erdhi nga Napoli, që çmontoi 4-1 nënkampionët e Anglisë, Liverpool-in. Në stadiumin ‘Diego Armando Maradona’ ndeshja u zhbllokua që në minutën e 4 nga Zielinksi, ndërsa më pas nga pika e bardhë gaboi Osimhen. Gjithsesi më pas skuadra e Spalletti-t korigjoi duke realizuar edhe 3 herë të tjera me Anguissa-n, Simeone-s dhe sërish Zielinskin. Golin e flamurit për ekipin e Jurgen Kloop e realizoi Diaz. Në sfidën tjetë të grupit A Ajax shkatërroi 4-0 Rengers.

Në grupin B Atletico Madrid fitoi 2-1 kundër Portos me të tre golat që u realizuan pas minutës së 90, ndërsa Club Brugge mori 3 pikët me rezultatin 1-0 kundër Bayern Leverkusen. Në grupin D Tottenham-i i Contes fitoi pastër 2-0 kundër Marseille-s, ndërsa Sporting ia doli me shifrat 0-3 në transfertë kundër Eintracht Frankfurt.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

TRING NË FESTË MAGJI NË TË GJITHA KANALET

TRING NË FESTË MAGJI NË TË GJITHA KANALET

24 Dhjetor, 14:51