Bayern Mynih e nis me barazim Bundesligën, debutuesit e Brentford shokojnë Arsenalin

Tre kampionate elitare në Europë kanë ngritur mbrëmë siparin e sezonit 2021-2022. Në ndeshjen e parë të Bundesligës për këtë edicion kampionët e Bayern Mynih nuk kanë shkuar më shumë se një barazim 1-1 në transfertë ndaj Borussia Monchengladbach. Edhe trajneri i ri i bavarezëve Julian Nagelsman debuton me një barazim. Sa i takon shënimit të golave gjithçka ndodhi në pjesën e parë ku Gladbach kaloi e para në avantazh në minutën e 10-të me Plea ndërsa për Bayernin barazoi i zakonshmi Robert Lewandoëski.Sot zbret në fushë Dortmundi që pret Frankfurtin.

Nisje shokuese i ka bërë sezonit të ri në Premier League Arsenali. Londinezët u mposhtën 2-0 në transfertë nga ekipi i sapongjitur në elitën e futbollit anglez Brentford. Vendasit i shënuan Arsenali nga një gol për çdo pjesë me Canos dhe Norgaard.Në ndeshjen e parë në Premier League pas 74 vitesh të mposhtësh Arsenalin për Brentford është një debutim ëndrrash.

Ka ngritur siparin edhe La Liga në Spanjë. Valencia fitoi ndeshjen  hapëse 1-0 ndaj Getafes falë një penalltie të kthyer në gol nga Carlos Soler. Në mbrëmje zbret në fushë Real Madrid që luan ndaj Alaves në transfertë./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e organizoi Shqipëria finalen e Conference League?



×

Lajmi i fundit

John

Finalja e Conference League, Duka falënderon Ramën, Veliajn dhe të gjitha institucionet që ndihmuan në suksesin