POP 5

Lajmet më të lexuara të 5 minutave të fundit

Sport

Bayerni tjetër leksion Barcelonës në Champions, surprizohet United, nuk gabojnë Juventus e Chelsea (VIDEO)

Bayern Mynih i jep sërish leksion Barcelonës në Champions. Në ndeshjet e para bavarezët fituan 3-0 në “Camp Nou”. Nuk gabuan  Juventusi e Çelsi që e nisëm me fitore fazën e grupeve ndërsa u surprizua Mançester Junajtid

Champions League nis nën shenjën e Bayern Mynih. Bavarezët janë kthyer në makthin e Barcelonës dhe kjo u vërtetua edhe mbrëmjen e djeshme. Në “Camp Nou” gjermanët fituan 3-0 ndaj katalanasve duke marrë direkt kreun e grupit E të Champions. Ndeshjen e zhbllokoi Myler dhe më pas dy herë shënoi Lewandowski. Bayerni i dha leksion Barcelonës ndërsa sfida tjetër e grupit Dinamo Kiev-Benfica u mbyll pa gola.

Juventusi gjen shërim në Champions. Fitorja e parë sezonale për bardhezinjtë vjen në Suedi ndaj Malmo. Juventus mposhti vendasit e Malmo 3-0 dhe ngjitet në krye të grupit H me tre pikë. Italianëve u mjaftoi vetëm një pjesë loje për të mbyllur llogaritë dhe golat u shënuan nga Alex Sandro, Dybala e Morata.

Chelsea e nisi me fitore mbrojtjen e titullit kampion në Champions. Po në grupin H londinezëve u mjaftoi një gol i Lukakut për të thyer Zenitin.

Surpriza e mbrëmjes erdhi nga Zvicra. Young Boys përmbysi Manchester United duke e mposhtur 2-1 në Bernë. Ronaldo shënoi edhe në debutimin në Champions por më pas kampionët e Zvicrës barazuan fillimisht me Ngamaleu dhe golin e fitores e morën dhuratë në minutën e 95-të.

Young Boys kryeson grupin F ndërsa spektakël pati në Villarreal-Atalanta sfidën tjetër. Në Spanjë dueli u mbyll në barazim 2-2 me skuadrat që ndanë nga një pikë.

Në grupin G u bë historia pasi në Sevilla-Salzburg u akorduan jo pak por katër penallti gjatë kohës së rregullt. Andaluzianët e shënuan penalltinë e tyre me Rakitic ndërsa austriakët nga tre që fituan shënuan vetëm një. Ndeshja u mbyll në barazim dhe skuadrat ndanë nga një pikë. Edhe sfida tjetër e këtij grupi Lille-Wolfsburg u mbyll në barazim pa gola.

Përgatiti Andi Kapxhiu

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Erbim Fagu me ide të qarta: Përmbysim Kukësin në Kupë dhe mundim Partizanin në derbi

Erbim Fagu me ide të qarta: Përmbysim Kukësin në Kupë dhe mundim Partizanin në derbi

19 Prill, 17:25