POP 5

Lajmet më të lexuara të 5 minutave të fundit

Kronikë

Baza e armatimeve në Vlorë, lihet në burg 35-vjeçari Luçiano Deraj! ‘Kyç’ gojën në sallën e gjyqit

“Arrest në burg është masa e sigurisë që vendosi sot gjykata e Vlorës për Luçiano Derajn, të cilit iu kap një arsenal i tërë armësh në banesën e tij në Babicë të Vlorës. Para togave të zeza ai ka kyçur gojën, ndërsa dyshohet se njëri prej snajperëve është përdorur për vrasjen e Gëzim Sinomatit.

Gjykata e Vlorës ka caktuar masën arrest në burg për 35-vjeçarin Luçiano Deraj, i cili kishte kthyer banesën e tij në fshatin Babicë në një bazë armësh. 35-vjeçari ka kyçur gojën para togave të zeza duke mos pranuar të flasë në asnjë moment në sallën e gjyqit. Edhe më herët gjatë marrjes në pyetje, ai nuk ka pranuar të tregojë lidhjet me grupet kriminale apo të japë detaje për origjinën e armëve.

Burime për Shqiptarja.com bëjnë me dije se Deraj i shërbente bashkëvepronte me disa grupe kriminale në Vlorë, Fier dhe qytete të tjera. Baza e armatimeve dyshohet se është përdorur apo do të përdoreshin për ngjarje të rënda kriminale.

Hetuesit kanë dyshime se snajperi i gjetur në bazën e armatimeve në Babicë të Vlorës është përdorur për ekzekutimin e Gëzim Sinomatit më 7 janar. Sinomati u qëlluam me një plumb snajperi në kokë, ndërsa policia nuk ka arritur që të gjejë armën e krimit. Ekspertët dyshojnë se ky snajper i zbuluar në bazën e armatimeve është përdorur për vrasjen e tij, ndërsa në mjetin e djegur që u gjet pas ekzekutimit asokohe u gjet edhe një bllok betoni që dyshohej se ishte vendosur për të mbajtur snajperin.

Të gjitha armët dhe pajisjet e sekuestruara do t’i nënshtrohen një ekspertize balistike, për të rënë në gjurmët e personave të tjerë të përfshirë si dhe të verifikohet nëse janë përdorur në ndonjë ngjarje kriminale, përfshirë këtu edhe në vrasjen e Sinomatit.

Në banesë u gjetën disa lloje armatimesh, snajper, pistoleta, qindra fishekë, 7 kallëpe lëndë eksplozivi plastik, silenciatorë për armët, 4 dylbi optike, 2 palë dylbi, radiomarrëse me valët e Drejtorisë së Policisë Vlorë, targa dhe çelësa makinash, maska, fenelina dhe veshje të ndryshme.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46