Baze: Fiksimi i Ilir Metës me videopolitikën!

Baze: Fiksimi i Ilir Metës me videopolitikën!

Ilir Meta

Është e qartë që Ilir Meta beson tek fuqia e videos në politikë. Regjistrimi i tij nga ish ministri i tij vazhdon të mbetet rekord në politikën shqiptare.

Me bllok në dorë, duke numuruar gjithë pazaret e tij private në emër të shtetit Ilir Meta tronditi shoqërinë, e cila reagoi me një protestë madhështore ku Sali Berishës ju desh të vriste 4 vetë e të plagoste 30 të tjerë, për ta shpërndarë.

Ilir Meta vetë u plagos rëndë politikisht dhe arriti të përdorë Berishën dhe presionin ndaj tij për koalicionin, për ta mbyllur çështjen me dhunë në Gjykatën e Lartë. I vetmi gjyqtar që i doli në pakicë ishte Ardian Dvorani.
Ndaj tij bëri disa makinacione.

Rregjistroi biseda sekserësh që flisnin me njëri tjetrin se si e kishin mbyllur dhe me Dvoranin pastaj këto ja çonin atij për presion. Meqë nuk u tërhoq, atëhere u bë target e sulmeve të koordinuara me Berishën, i cili kishte një tjetër makth me Dvoranin.

Vëllai i Dvoranit është një nga ushtarakët e vrarë në Gërdec në biznesin e djalit të Sali Berishës dhe paranoja e tij është se, nëse çështja e djalit rihapet ai ka “gjaksin” në Gjykatë.

I bindur se armiqtë shkatërrohen me video, Ilir Meta po bën përpjekjen e fundit që të çudisë njerëzit me një video për armikun e tij në drejtësi.

Nuk e di çfarë mund të ketë një video e Ilir Metës, por gjëja e parë që do bëjmë të gjithë është se do ta krahasojmë me videon e tij. Është një rast për ta riparë atë dhe për të kuptuar se çfarë drejtësie kemi pasur. Akoma më shumë është një rast për të kujtuar Dvoranin si gjyqtarin që e ka kundërshtuar atë vendim.

Kjo është e vetmja gjë që vlen nga paralajmërimi Ilir Metës dhe fiksimi i tij për videot. Vlen së paku që ajo video të rigjykohet bashkë me çështjet e tjera të mbyllura.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • O tej: 17/11/2019 23:26

    Ne video Meta ka dhe ket temin

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Vrau foshnjën duke e hedhur në lumë, mjeku i Tapizës për Report Tv: Nënë e përkushtuar e 5 fëmijëve, s’ka ardhur kurrë për vizitë

Vrau foshnjën duke e hedhur në lumë, mjeku i Tapizës për Report Tv: Nënë e përkushtuar e 5 fëmijëve, s’ka ardhur kurrë për vizitë