POP 5

Lajmet më të lexuara të 5 minutave të fundit

Ekonomi

BB e FMN “bëjnë” buxhetin e
2014, ja përparësitë e qeverisë

Nën vëzhgimin nga afër të specialistëve të Fondit Monetar Ndërkombëtar dhe Bankës Botërore, ministria e Financave ka përcaktuar objektivat kryesore të buxhetit për vitin e ardhshëm, që do të paraqiten në Kuvend.
BB e FMN “bëjnë” buxhetin e<br />2014, ja përparësitë e qeverisë
TIRANE- Nën vëzhgimin nga afër të specialistëve të Fondit Monetar Ndërkombëtar dhe Bankës Botërore, ministria e Financave ka përcaktuar objektivat kryesore të buxhetit për vitin e ardhshëm, që do të paraqiten në Kuvend. Hartimi i projektligjit për buxhetin e vitit të ardhshëm tashmë po kalon në “sitën” e ndërkombëtarëve, me një asistencë për herë të parë pas shumë viteve. Qeveria Berisha e mënjanoi këtë kontroll nga ekspertët e FMN dhe BB, të cilët kanë këshilluar prej vitesh më parë qeverinë shqiptare që të jetë e kujdeshme në menaxhimin e financave publike, por edhe në hartimin e një buxheti sa më realist.  

Mësohet se tashmë janë përcaktuar prioritetet se në cilat fusha do të fokusohen investimet kryesore. Sipas draftit fillestar të këtij projektbuxheti, fushat me përparësi, ku do të fokusohen dhe investimet kryesore janë arsimi, shëndetësia, bujqësia dhe infrastruktura. Në vlerësimin e këtyre shpenzimeve janë marrë si bazë shpenzimet e pashkurtuara nga Akti Normativ 2013, ku është zbritur fondi prej 600 milionë lekësh parashikuar për zgjedhjet dhe shuma është rritur në masën 4 për qind.

Ndarja midis sektoreve është bërë e diferencuar, theksohet në draft, duke mbajtur rritjen zero për shpenzimet administrative, 2% për sektorët joprioritarë dhe 4-5 % për sektorët prioritarë si arsim, shëndetësi, bujqësi, infrastrukturë. Pak javë më parë, Kuvendi miratoi një Akt Normativ, që ka fuqinë e ligjit, ku u ndryshuan treguesit fiskalë të buxhetit të vitit në vazhdim.
Sipas këtij Akti, të ardhurat janë parashikuar në 321.9 miliardë lekë, shpenzimet 405.4 miliardë dhe deficiti buxhetor 83.4 miliardë lekë.
Opozita politike deklaroi se qeveria Rama po e zhyt vendin në borxhe për shpenzime operative, ndërkohë që ul investimin.

Shkrimi u publikua sot (7.11.2013) në gazetën Shqiptarja.com (print)

Redaksia Online
(d.d/shqiptarja.com­)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

28 Nëntor, 14:41