Po në këtë mënyrë vepron edhe Rikja me Elonën të cilat vijojnë duke imituar djemtë. Ndërkohë që kanë vijuar me shakatë duket se djemtë janë duke provokuar më shumë Elonën. Iliri e imiton Elonën në formë tallëse, duke nxjerrë anë të karakterit të saj ndërsa i ekzagjeron dobësitë e Elonës.
Ai thekson karakterin e saj mashkullor, ndërsa tregon se ajo merret me sportin e saj Taekwondo. Anaidi dhe Iliri ngacmojnë për minuta të tëra Elonën, ndërsa ajo vazhdon të qëndrojë në heshtje. Në një moment Iliri i kujton Elonës buxhetin dhe faktin që ajo nuk po luan në rolin e Ilirit.
Ndërkohë Elona shprehet se ai nuk po e realizon mirë rolin sepse është thënë gjëra që Elona nuk i ka thënë. Sipas Elonës, Iliri është duke e kaluar me inat këtë lojë dhe duke sjellë situata të cilat realisht nuk kanë ndodhur në atë formë dhe se gjithçka e bën me tendencë.
Më pas ajo largohet dhe banorët e tjerë komentojnë që Elona nuk duhet të kishte reaguar në atë mënyrë.
Redaksia Online
(xh.k/shqiptarja.com)