BE miraton paketën për rimëkëmbje pas krizës

Deputetët e Parlamentit Evropian kanë miratuar planin për rimëkëmbje të unionit, duke u hapur rrugën vendeve anëtare që të kenë qasje në gati 672.5 miliardë euro si kredi apo grante, me qëllim të tejkalimit të dëmeve ekonomike të shkatuara nga pandemia. Grantet, rreth 300 miliardë euro, do të ndahen për investime dhe reforma, me qëllim të stimulimit të ekonomive të 27 vendeve anëtare. 

Komisioni Evropian dhe vetë shtetet anëtare duhet të pajtohen për secilin plan. Në votimin e të martës, deputët e Parlamentit Evropian, kanë miratuar planin me shumicë votash.

 Shtetet anëtare ende duhet të pranojnë zyrtarisht paketën, mirëpo nuk pritet të ketë pengesa në këtë aspekt. Problemi më i madh do të jetë miratimi i vendimit që i mundëson bllokut evropian të huazojë paratë nëpër tregje.

Pas miratimit të sotëm dokumenti duhet të ratifikohet dhe të miratohen planet kombëtare, Komisioni Evropian duhet të ndajë paratë për qeveritë – mirëpo ato nuk pritet të dorëzohen për disa muaj, marrë parasysh procedurat komplekse. Plani i BE-së për rimëkëmbje do të mbulojë masat që zbatohen në periudhën shkurt 2021- gusht 2026.

Lajmi kryesor:

Von Der Leyen në Parlamentin Evropian: Lufta ndaj COVID-19 vazhdon, vaksinimet dhe rimëkëmbja fokusi kryesor

TAG:
• BE
• Koronavirus
• COVID-19
• Vaksina Covid