BE: Nuk do ketë negociata të reja për Brexit, kushdo që të jetë kryeministër

Udhëheqësit e Bashkimit Evropian njoftuan se cilido që e fiton garën për t’u bërë kryeministër i ardhshëm i Britanisë, marrëveshja e Brexit apo dalja e vendit nga BE-ja nuk do të ndryshojë.

Në Britani dy kandidatët për kryetar të Partisë Konservatore, që garojnë me njëri-tjetrin janë: Boris Johnson dhe Jeremy Hunt.

Johnson dhe Hunt thonë se duan të rinegociojnë për marrëveshjen që Theresa May ka arritur me Brukselin.

Nëntorin e kaluar u arrit marrëveshja mbi kushtet e divorcit, por u refuzua dy herë nga Parlamenti britanik.  Kjo gjë që ka sjellë dhe dorëhejen e kryeministres, Theresa May.

Presidenti i Komisionit Evropian, Donald Tusk u shpreh të premten se blloku “do të mbetet shumë i saktë dhe i durueshëm”, pavarësisht dramës politike që po zhvillohet në Londër.

Gjatë fjalës së tij Tusk tha se të 27 anëtarët e mbetur të Bashkimit Evropian shpjegojnë se nuk duhet të ketë ndryshime të marrëveshjes së divorcit.

Presidenti i Komisionit Evropian, Jean-Claude Juncker u shpreh se udhëheqësit e BE-së, “kanë përsëritur njëzëri se nuk do të ketë negociata të reja për marrëveshjen e tërheqjes”.

Në vitin 2016, përmes një referendumi të mbajtur, Britania ka vendosur të largohet nga Bashkimi Evropian.

Gjithashtu, Fondi Monetar Ndërkombëtar e ka paralajmëruar se do të përballet me pasoja të rënda ekonomike nëse Brexit bëhet pa marrëveshje me Bashkimin Evropian.

 

TAG:
• BE
• Britani e Madhe
• Marreveshje
• brexit