BE pezulloi fondet për bujqësinë, Krifca: AZHBR që vjet nën hetim! S'përmendet fjala korrupsion! Tabaku: Kështu thatë edhe për inceneratorët

Deputeti i PS-së Erjon Braçe shprehu shqetësimin për mos ndëshkueshmërinë e korrupsionit ndër vite në Shqipëri.

Për aferat si ajo e privatizimit të klubit Partizani nga familja Berisha, tragjedia e Gërdecit apo vrasjen e 4 protestuesve në Bulevard ende nuk është dhënë përgjigje dhe Berisha ende nuk ka dalë para drejtësisë.

“Klubi Partizani nuk është shitur për 1 euro por është dhënë falas. A është më i përgjegjshëm korrupsioni tani se 10 vite më përpara. Në Gërdec 26 njerëz u vranë për të vjedhur dhe u vodhën duke u vrarë. Raste të pastra korrupsioni të 10 viteve të shkuara janë të pandëshkuara. Nuk do të thotë se 10 vite më parë kishte korrupsion më pak , Shqipëria ishte më e ndershme dhe pushteti i asaj kohe ishte më i ndershëm. Pushteti i asaj kohe i dha një dimension të tmerrshëm që është gjaku, janë vrarë njerëz. 10 vite më parë korrupsioni ishte i përgjakshëm”

Ndërkohë KLSh i kërkoi "të nisë të auditojë kontratat e qiradhënies në fushën e bujqësisë"

Deputeti socialist, Erion Braçe ka folur për akuzat ndaj Krifcës në Kuvend. Braçe thotë se edhe pse nuk bie fort dakord me Krifcën, s’ka dhënë asnjë copë m2 me qira. Nga ana tjetër ai ka rreshtuar sesa evident e i hapur korrupsioni 10 vjet më parë e tani.

“Kam një lutje, do të ishte mirë që t’i linim fermerët atje ku janë. Ne këtu kemi kondicioner ata janë në fusha.

Unë dhe ministrja e Bujqësisë nuk biem dakord për shumë gjëra mbase edhe për gjithçka por, ministrja e Bujqësisë s’ka dhënë asnjë metër katror me qira dhe ky është fakt. Sot kemi përpara për kontrollin e lartë të shtetit.

Nuk jemi thirrur këtu për të folur për korrupsionin e vitit që shkoi,. Unë mendoj se puna e kontrollit të lartë të shtetit ka qenë serioze. E thënë këtë, meriton vlerësimin e Kuvendit. Por, as i shmangem, as i iki as relativizoj të folurën për korrupsionin edhe pse është moment i vështirë, e në fakt kështu duhet të jetë.

Po ka korrupsion në këtë vend, është i përhapur. Ka në sektor publik e privat, e se është kështu ka një përdorim politik që ka gjithnjë e më shumë e më i madh. A është korrupsioni sot më i madh se 10 vjet më i madh? Këtu ndahemi.

10 vjet më parë vidhej lehtë, edhe me një certifikatë. Po vidhej edhe me risk e me rrezik të lartë. Deri 10 vite më parë është shitur ccdo gjë publike, si sektori i tërë. Nafta u dorëzua klientelisht në çdo vendburim deri në përpunim.”- thotë Braçe.

Me debate ka vijuar seanca e fundit parlamentare ku po flitet për fondet e pezulluara të BE-së për bujqësinë. Krifca thotë se AZHBR ka një transformim shumë të madh që kur PS ka ardhur në pushtet ndërsa shton se asnjë cent nuk është shpërdoruar nga fondet.

“Ja kemi dalë, i gjithë fondi është vënë në funksionin e Shqipërisë. Nuk ka asnëj cent të djegur nga ku program. Po dembelizmi juaj dhe koalicioni juaj ‘Bashkë Shpifim’ nuk i ndanit me fermerët. Dikur AZHBR ishte kënetë që qelbte, në kohën e PD konsiderohej si harem, kurse në LSI si hambar i partisë, Është bërë një punë e jashtëzakonshme për agjenci, është transformuar. E kemi ngritur nivelin e institucionit, në një institucion model. Ne e kemi bërë punën.”- thotë Krifca.

Ndërkohë Tabaku e ka kundërshtuar dhe i ka përmendur inceneratorët ku sipas saj të gjithë ministret kanë mbështetur një aferë.

“Ka një procedurë interesante kjo qeveri, sulmojnë këdo që flet për aferë korruptive. Bëjnë fjalime këtu me fjalën e liderit. Edhe hartimshkruesit e qeverisë po dalin nga kontrolli se s’dinë ca thonë. A ka konstatuar OLAFi shkelje korrupotive dhe fryrje të shumave?

Për ca të më vijë mua turp, se na thoni s’keni turp. Kemi frikë të flasim se duhet të kemi ne turp për aferat e tua. Keni mbrojtur një aferë si inceneratorët që të arredonte ai kolegu juaj shtëpinë se këtëë keni bërë.”- thotë Tabaku.

Debate në Kuvend lidhur me vendimin e Komisionit Europian të ndërpresë përkohësisht rimbursimet ndaj qeverisë shqiptare për financimet e projekteve në bujqësi të realizuara në kuadër të Programit IPARD II për mbështetjen e bujqësisë dhe zhvillimit rural.

Deputeti i PD-së Edmond Spaho etiketoi ministren Krifca si më e keqja gjatë kohës së diktaturës

“Ministrja që ka shkatërruar bujqësinë shqiptare, më e paaftja, më cinikja që nga koha e diktaturës. I mori në qafë fermerët. I tha mbillni grurë dhe tani u ka mbetur në hambar” tha Spaho.