BE: Takimet e ardhshme kur të vijë koha, Stano: Dialogu Beograd-Prishtinë vazhdon pavarësisht zgjedhjeve  të parakohshme në Kosovë

BE: Takimet e ardhshme kur të vijë koha,  Stano: Dialogu Beograd-Prishtinë vazhdon pavarësisht zgjedhjeve  të parakohshme në Kosovë

Zëdhënësi i BE-së, Peter Stano ka deklaruar se pavarësisht se në Kosovë do të zhvillohen zgjedhjet e parakohshme, të planifikuara për gjysmën e parë të vitit 2021, procesi i dialogut dhe angazhimi për të do të vazhdojë.

"Puna për dialogun midis Beogradit dhe Prishtinës vazhdon. Takimet e ardhshme do t'i shpallim kur të vijë koha për këtë”,  i tha Tanjug zëdhënësi i BE Peter Stano.

Stano u bëri thirrje autoriteteve në Kosovë dhe në Serbi që të punojnë ngushtë dhe të respektojnë marrëveshjet kur bëhet fjalë për shpërndarjen e vaksinave kundër COVID-19.

“Autoritetet në Serbi dhe në Kosovë duhet të punojnë ngushtë së bashku në përputhje me marrëveshjet përkatëse në dialogun Prishtinë-Beograd, mbi lëvizjen e mallrave dhe certifikimin e produkteve farmaceutike”, tha Stano për Tanjug.

Ndryshimet politike dhe institucionale në Kosovë ishin të mëdha gjatë kohës së fundi, teksa pritet që zhvillime edhe më të mëdha të ketë që në fillim të muajit shkurt.

Pas raundit të fundit të bisedimeve të ekspertëve midis Beogradit dhe Prishtinës në 10 dhjetor, të dy delegacionet njoftuan takimin e ardhshëm në nivelin teknik për fillimin e janarit në Bruksel. Më 22 dhjetor 2020, Gjykata Kushtetuese e Kosovës shpalli të pavlefshme votën e deputetit Etem Arifi gjatë zgjedhjes së Qeverisë së Kryeministrit Avdulah Hoti, duke ngritur pikëpyetje në lidhje me atë që mund të ndodhë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali