BE vendos që të gjithë telefonat të përdorin karikuesit USB-C, të hiqet dorë nga të veçantit

Prodhuesit e telefonave do të detyrohen të gjejnë një zgjidhje universale për karikues për telefonat dhe pajisjet e vogla elektronike, në bazë të një rregullore të rë të propozuar nga Komisioni Evropian (KE). Me këtë politikë synohet zvogëlimi i mbeturinave duke inkurajuar konsumatorët të ripërdorin karikuesit ekzistues kur blejnë një pajisje të re. Të gjithë SmartPhonet e rinj të shitur në BE duhet të kenë karikues USB-C. Apple ka paralajmëruar se një veprim i tillë do të dëmtonte novacionin.

Gjiganti i teknologjisë është prodhuesi kryesor i SmartPhone  dhe përdor një karikues të veçantë.

"Ne mbetemi të shqetësuar se rregullorja e rreptë që urdhëron vetëm një lloj karikuesi mbyt inovacionin në vend që ta inkurajojë atë, e cila nga ana tjetër do të dëmtojë konsumatorët në Evropë dhe në mbarë botën," tha firma për BBC.

Shumica e telefonave Android tanimë kanë kaluar në përdorimin e kësaj teknologjie.  Modelet e reja të iPad dhe MacBook përdorin porte karikimi USB-C, siç bëjnë modelet e telefonave të nivelit të lartë nga prodhuesit e njohur Android si Samsung dhe Huaëei.

Rreth gjysma e karikuesve të shitur me celular në Bashkimin Evropian në vitin 2018 kishin një USB micro-B, ndërsa 29% kishin një USB C dhe 21% Lightning.

Rregullat e propozuara do të zbatohen për:

  • Smartphone
  • tableta
  • kamera
  • kufje
  • altoparlantë portativë
  • tastiera për videogame

Produkte të tjera duke përfshirë kufjet, orët inteligjente nuk u morën parasysh për arsye teknike të lidhura me madhësinë dhe kushtet e përdorimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Dy Kuvendet e PD/ Koka: Basha zhduku demokracinë! Meçe: Ish-kryeministri për veten djeg çdo gjë! Malko: Berisha po dërgon mesazhe për mbështetësit e Bashës! Elezi: Luftë për karrige