Bebi i parë në Shkodër për 2022 është djalë! Historia e veçantë e nënës: Të dy fëmijët i kam lindur më 1 janar

Pas Tiranës dhe Fierit, edhe në Shkodër fëmija i parë për vitin 2022 është djalë. Fëmija i cili quhet Arenc Kukaj lindi në orën 7:45 dhe është fëmija i dytë i Arjeta Kukaj.

Historia e Arjetës është e veçantë sepse të dy fëmijët e saj kanë lindur në datën 1 janar. Dy vite më parë Arjeta në 1 janarin e vitit 2020 lindi djalin e saj Harisin i cili sot mbush dy vjeç ndërsa në ditën e parë të këtij viti lindi djalin e dytë, Arencin.

“Është një emocion i madh pasi të dy fëmijë më kanë lindur më 1 janar. Edhe djali tjetër i madh ka lindur më 1 janar”, tha nëna e lumtur që mbante në krahë foshnjën e saj të porsalindur.

LEXO EDHE:
E Premtja e Zezë/ Besimtarët ortodoksë në Tiranë dhe qytete të tjera përkujtojnë Kryqëzimin e Krishtit

Mjekia Armela Troshani e cila ka asistuar Arjetën edhe në lindjen e saj dy vite më parë në 1 janar shprehet se gjendja e nënës dhe fëmijës të porsalindur është shumë e mirë.

Lajmi kryesor:

Aiden dhe Akid, vijnë në jetë vogëlushët e parë për Vitin e Ri 2022! Rama: Paçin këmbën e mbarë! Ministrja e Shëndetësisë: Do të jetë viti i fëmijëve

/r.k./Shqiptarja.com

TAG:
• edi rama
• Tirane
• mbreteresha geraldine
• Ogerta Manastiriu
• viti i ri 2022