POP 5

Lajmet më të lexuara të 5 minutave të fundit

Bota

BE-ja fut dy komandantë të Hamasit në listën e terroristëve

Vendet e Bashkimit Evropian i kanë futur në listën e terroristëve dy komandantë të Hamasit, pas sulmeve të grupit militant në Izrael, më 7 tetor

BE-ja fut dy komandantë të Hamasit në listën e terroristëve

Militant i Hamasit i fshehur në një tunel në Gazë. Fotografi nga arkivi.

Vendet e Bashkimit Evropian i kanë futur në listën e terroristëve dy komandantë të Hamasit, pas sulmeve të grupit militant në Izrael, më 7 tetor.

Hamasi, grup palestinez që kontrollon Rripin e Gazës, është shpallur organizatë terroriste prej Shteteve të Bashkuara dhe Bashkimit Evropian.

Dy individët janë Mohammed Deif, komandant i përgjithshëm i krahut ushtarak të Hamasit dhe zëvendësi i tij, Marwan Issa, ka thënë të premten BE-ja.

Duke nisur prej të premtes, dy komandantëve iu ngrihen të gjitha fondet dhe astetet tjera financiare në vendet e BE-së, derisa operatorët e bllokut evropian nuk mund të ofrojnë fonde dhe burime ekonomike për ta.

Militantët e Hamasit e kanë nxitur luftën me Izraelin, pas sulmit që kanë kryer në territorin e tij më 7 tetor, duke vrarë mbi 1.200 njerëz dhe duke marrë peng 240 të tjerë. Për pasojë, Izraeli ka nisur ofensivë tokësore dhe ajrore në Gazën me 2.3 milionë banorë.

Sipas autoriteteve shëndetësore palestineze, mbi 17.000 njerëz kanë vdekur si pasojë e sulmeve izraelite. Ushtria izraelite, në anën tjetër, i vë fajin Hamasit për vrasjet, duke e akuzuar se po operon në zonat e dendura me civilë./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni takimin e Ramës me shqiptarët në Athinë?

Lajme të tjera



×

Lajmi i fundit

PSG gjen në Serie A zëvendësin e Kylian Mbappe

PSG gjen në Serie A zëvendësin e Kylian Mbappe

10 Maj, 15:49