Bashkimi Evropian paralajmëroi udhëheqësit e serbëve të Bosnjës se mund të përballen me sanksione dhe me rishqyrtim të ndihmës evropiane, nëse nuk i japin fund nxitjes së tensioneve dhe retorikës nxitëse ndërmjet komuniteteve.
Paralajmërimi pasoi kremtimin e së dielës të ditës së Republikës Serbe, një nga dy entitetet e Bosnjës. Nëntë janari është dita kur në vitin 1992 serbët e Bosnjës shpallën pavarësinë nga pjesa tjetër e vendit, gjë që u pasua me një luftë të përgjakshme, e cila la pas vetes 100 mijë të vrarë. Shënimi i kësaj dite ishte shpallur jo kushtetues nga Gjykata Kushtetuese e Bosnjës. Përgjatë kremtimit u shënuan incidente gjithandej Republikës Serbe, thirrje në mbështetje të kriminelëve të luftës dhe kërcënime ndaj myslimanëve boshnjakë.
“BE-ja dënon me vendosmëri retorikën negative, përçarëse dhe nxitëse të përdorur nga udhëheqësit e Republikës Serbe gjatë festimeve të 9 janarit. Retorika dhe veprime të tilla kanë rritur më tej tensionet midis komuniteteve në gjithë vendin dhe po përshkallëzojnë më tej krizën e vazhdueshme politike”, tha zëdhënësi i BE-së, Peter Stano.
Ai nënvizoi se kjo “rrezikon qëndrueshmërinë dhe përparimin e vendit dhe është në kundërshtim të plotë me ardhmërinë e tij evropiane, që mund të bazohet vetëm në një Bosnjë dhe Hercegovinë të bashkuar dhe sovrane”, tha ai. BE-ja shprehu keqardhjen edhe për mbështetjen e dhënë nga partnerët e tjerë për demonstrative të tilla, që kërcënojnë qëndrueshmërinë rajonale dhe ndikojnë në marrëdhëniet e fqinjësisë së mirë. Përfaqësues të qeverisë nga Beogradi, ishin pjesë e kremtimeve.
Udhëheqësi i serbëve të Bosnjës, Milorad Dodik, një nacionalist pro-rus, ka kërcënuar vazhdimisht se do të tërheqë përfaqësuesit serbë nga forcat e armatosura, nga sistemi tatimor dhe ai gjyqësor i Bosnjës dhe do të krijojë institucione të pavarura serbe. Javën e kaluar, Shtetet e Bashkuara vendosën sanksione të reja ndaj Milorad Dodikut për korrupsion dhe kërcënim ndaj qëndrueshmërisë dhe tërësisë tokësore të Bosnjës. Bashkimi Evropian ende nuk ka ndërmarrë ndonjë veprim dhe qëndrimi i sotëm është hera e parë kur është kërcënuar me sanksione. Pas luftës së viteve të 90-ta, Bosnja u nda në dy entitete autonome, Republika Serbe dhe Federata e dominuar nga boshnjakët dhe kroatët, të lidhura nga një qeveri qendrore në Sarajevë. Ende e përndjekur nga ndarjet etnike, Bosnja është në mes të krizës më të thellë politike që nga lufta e viteve të 90-ta, që mori fund më marrëveshjen e paqes që u arrit në Dayton./VOA
Komente
Lajme të tjera
-
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Demush Shasha: Kokëfortësia e dilemës evropiane
19 Dhjetor, 21:02
-
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
14 vite nga liberalizimi i vizave me BE, Basha: Misioni i radhës është heqja e vizave me aleatin strategjik SHBA-të
15 Dhjetor, 14:15 -
BE-ja angazhohet për integrim konkret për vendet e rajonit
14 Dhjetor, 22:00 -
Nga 1 janari qytetarët e Bosnje dhe Hercegovinës mund të udhëtojnë me letërnjoftim në Kosovë
13 Dhjetor, 08:50
Kush ju beson fjaleve te BE esht nji Idiot,flasin kot per gjerat qe nuk kan ndodhur kure dhe genjeshtra ,Be nuk e ka fuqine te vendos sanksione kunder Serbeve ,BE ka fuqi vetem Kosoves dhe Shqiperise tju bejne presion dhe te pranojne se cka Thot BE ,poe Serbet as nuk e ndegjojne prallat e BE,13000 njerez u humben ne Kosove nga lufta a e ndegjuat nji shtet te Be te flase per kete asnji here,e njejta ndodhi ne luften e Bosnjes po ta kishte mbyllur NATOJA ose BE kufirin e Serbise me Bosnjen nuk dote ndodhte asgje ne Srebrenice por keta i dhane lejen Ushtrise te Millosheviqit qe tju ndihmonte Serbve te Bosnjes pra mos besoni genjeshtrat E BE edhe te Amerikes.
Përgjigju