POP 5

Lajmet më të lexuara të 5 minutave të fundit

Kronikë

Bektashinjtë festojnë Ditën e
Ashures, ceremoni nga Kryegjyshata

Besimtarët bektashinj në vendin tonë kanë kremtuar sot Ditën Botërore të Ashures. Në një ceremoni nga Kryegjyshata, është uruar për më shumë paqe, dashuri, vëllazëri për të ecur në rrugën e Zotit.
TIRANË - Besimtarët bektashinj në vendin tonë kanë kremtuar sot Ditën Botërore të Ashures. Në një ceremoni nga Kryegjyshata, Kryegjyshi Botëror, Haxhi Baba Edmond Brahimaj uroi gjithë besimtarët dhe shqiptarët për më shumë paqe, dashuri, vëllazëri për të ecur në rrugën e Zotit. Megjithëse kjo ditë është konceptuar si një qirasje ëmbëlsire, dita e ashures është e rëndësishme për nga vlera shpirtërore që simbolizon dhe atmosfera vëllazërore që sjell.

Dita e Ashures është dita e dhjetë e muajit muharem, që është muaji i parë i vitit hënor. Agjërimi i kësaj ditë është një vepër e pëlqyer dhe me shpërblim të madh. Kur i Dërguari migroi në Medinë vuri re se hebrenjtë agjëronin këtë ditë dhe pasi i pyeti për arsyen e agjërimit, ata thanë: në këtë ditë Allahu i shpëtoi hebrenjtë nga faraoni, prandaj këtë ditë e agjëroi Musai.

I Dërguari tha: “Unë jam më i denjë të pasoj Musain se sa ju. Kështu agjëroi këtë ditë dhe urdhëroi të tjerët të agjërojnë” (Buhariu). Preferohet që kësaj ditë t’i shtohet me agjërim një ditë para, pra dita e nëntë e muajit muharem sepse i Dërguari ka thënë: “nëse jam gjallë vitin e ardhshëm do agjëroj edhe ditën e nëntë” (Muslimi) kështu vendosi në mënyrë që t’i kundërshtojë ithtarët e librit (Ibën Tejmije në Fetava Kubra).

Disa dijetarë kanë preferuar që kësaj ditë t’i shtohet edhe një ditë pas duke u mbështetur në një hadith rreth të cilët ka mospajtime për vërtetësinë e tij. Të tjerët këtë e kanë preferuar në mënyrë që të sigurohen për agjërimin e kësaj dite sepse muajt hënor dinë të ndryshojnë. Nëse ndonjëri kompenson ditë të Ramazanit gjatë këtyre ditëve dhe bën nijet edhe Ashuren atëherë merr shpërblimin e agjërimit të borxhit të tij, që janë ditët e Ramazanit ashtu siç merr edhe shpërblimin e agjërimit të Ashures. (Ibën Uthejmin, Fetava sijam, 438).

Redaksia Online
(mag/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Zyrtare/ Juventusi prezanton afrimin e parë të janarit, akord edhe me sulmuesin e PSG-së

Zyrtare/ Juventusi prezanton afrimin e parë të janarit, akord edhe me sulmuesin e PSG-së

16 Janar, 12:59