Beleri eurodeputet/ Kreshnik Osmani: Lajm i keq! Në parlamentin europian do shkojë një hidraulik, i përfshirë në masakrën e Peshkëpisë

 

Analisti Kreshnik Osmani deklaroi në '5 Pyetjet' se fitorja e Belerit si eurodeputet është një lajm i keq për Shqipërinë dhe Europën.

'Nuk është lajm i mirë. Që Europa mbërrin në këto standarde, ku në parlamentin europian do të jetë një zotëri që është në burg, bojaxhi, hidraulik i përfshirë në masakrën e Peshkëpisë dhe i dënuar për poshtrim të simboleve shqiptare. Ky standard degradim të politikës europiane, tregon se jemi përballë një zhvillim që nuk i ngroh njerëzit. Nuk përcjell mesazhet të mira as në Shqipëri dhe Europë. Nuk kam asnjë lloj paragjykimi por mendoj se është një lojë e gabuar e Athinës, e pakuptimtë për llogari të politikave të vogla të lojës së brendshme në Greqi. Mitsotakis e përdori Belerin për të mbledhur vota të nacionalistëve. Pa që kishte firo të votave nga ekstremi i djathtë dhe mendoi ta rekuperonte me Fredi Belerin. A do të kërcënojë Mitsotakis sërish Tiranën për rrugëtimin në Europë. Kam respekt për hidraulikët por zotëria nuk plotëson asnjë kusht për eurodeputet. Athina e Aristotelit përfundoi tek Fredi Belerin', deklaroi Osmani.

LEXO EDHE:
Spahiu: Rama pazar me Greqinë, që lejoi Belerin nga burgu të udhëtoj jashtë

Lajmi kryesor:

Zgjedhjet europarlamentare/ Analisti në '5 Pyetjet': Rritje e sovranistëve në të gjithë Europën

G.K/r.k./Shqiptarja.com

TAG:
• Kreshnik osmani
• emilio cika
• Esmeralda Mulaj
• Ilir Aliaj
• 5 pyetjet nga babaramo