Gjykata e Posaçme dënoi sot me 5 vite burg Bledar Zenelin, i akuzuar për terrorizëm. Për shkak të gjykimit të shkurtuar ai përfitoi ulje me 1/3 uke u dënuar përfundimisht me 3.4 vite burg.
Zeneli me profesion murator u arrestua më 2 gusht 2022, me urdhër të prokurorisë së Posaçme në bashkëpunim me antiterrorin pasi disa muaj më parë pasi përmes rrjeteve sociale bënte thirrje për sulme terroriste dhe mbështeste ISIS, informon gazetarja e Report TV, Keti Banushi.
Zeneli publikonte artikuj, materiale radikale, ekstremiste, propagandistike dhe statuse, në mbështetje të shtetit Islamik dhe kundra koalicionit global antiterrorizëm në rrjete sociale dhe aplikacioneve të ndryshme “Facebook”, “Twitter”, “Telegram”.
Zeneli u shpall fajtor për kryerjen e veprave penale të “Nxitjes thirrjes dhe propagandës për kryerjen e veprave me qëllime terroriste” dhe “Nxitjes së urrejtjes ose grindjeve“ parashikuar nga nenet 232/a dhe 265 te Kodit Penal.
Lajmi ne perditesim...
Lajme të tjera
-
U arrestua për nxitje të terrorizmit, Apeli i GJKKO shpall moskompetencë për Bledar Zenelin! Dosja i kalon gjykatës së Durrësit
22 Gusht 2022, 11:36 -
Akuzohet për terrorizëm/ Bledar Zeneli përlotet në gjykatë: Kam cituar Kuranin, nuk kam nxitur terrorizëm
4 Gusht 2022, 12:12 -
Bënte thirrje terroriste në rrjetet sociale në mbështetje të ISIS, arrestohet nga SPAK Bledar Zeneli
2 Gusht 2022, 11:27
