Beograd/ Delegacioni i SHBA-së për marrëveshjen Kosovë-Serbi pritet me muzikë (VIDEO)

Me në sfond këngën ‘Sweet Home Alabama’ dhe me fytyra tejet të qeshura e mbyllën ditën e dytë të turit të tyre në Serbi, delegacioni amerikan, i cili vetëm 1 ditë më parë ishte larguar nga Prishtina.

Pas marrëveshjeve të nënshkruara të dyja palët dukeshin të lumtura, por pamjet të cilat u shpëndanë nga i Dërguari special për Dialogun Kosovë-Serbi, Richard Grenell duket shumë larg nga atmosfera që u pa në takimet e mbajtura në Prishtinë.

I dërguari special i Presidentit amerikan Donald Trump për dialogun Kosovë-Serbi, Richard Grenell ka publikuar një video ku shfaqet krah Presidentit serb, Aleksandër Vuçiç dhe me anëtarët e delegacionit amerikan dhe serb duke darkuar nën tingujt e muzikës mbi një anije në Danub. 

Delegacioni i SHBA  u takua me zyrtarët serbë ku ata premtuan mbështetjen e SHBA-së në normalizimin e marrëdhënieve midis Serbisë dhe Kosovës. Përfaqësuesi special i SHBA Richard Grenell, së bashku me drejtorin e Korporatës Financiare të Zhvillimit (DFC) Adam Boehler, morën pjesë në një takim  me Presidentin e Serbisë Aleksandar Vuçiç dhe Kryeministren Ana Brnabic.

Takimi erdhi pas nënshkrimit të marrëveshjes midis Serbisë dhe Kosovës në fillim të këtij muaji në Uashington DC.

I.C./b.ha./Shqiptarja.com
  • Sondazhi i ditës:

    Partitë e reja të dala nga e djathta mendoni se do ta dëmtojnë Partinë Demokratike në zgjedhje?

Komento


×

Lajmi i fundit

John

Veliaj ironizon Bashën dhe Kryemadhin: Njëri e ka mendjen te gjobat, tjetra dalldisi dhe thotë nuk ka COVID! E kuptoni kë kemi përballë?