‘Bëra betejën time për Tiranën’, Veliaj për zgjedhjet e FSHF-së: Kukësi, Shkodra e Saranda s’duan ‘fair-play’

Kryebashkiaku i Tiranës Erion Veliaj, në një aktivitet sportiv të mbajtur në fushat multisportive të Parkut të Liqenit Artificial, foli për ndërhyrjen e tij në manipulimet që u bënë për zgjedhjet e Federatës Shqiptare të Futbollit. Veliaj tha se kjo ‘luftë’ ishte plus për te dhe nuk kishte përse ndërhynte, por ai tha se e ndiente detyrim për të pastruar të paktën shkeljet që bëheshin në Tiranë nëpërmjet shoqatës rajonale të futbollit.

“Ka shumë njerëz që më pyesin pse unë futem në disa beteja, që ndoshta dikush mendon se nuk janë për kryetarin e Bashkisë, por për sportin. Por nuk kam asnjë pishman që ne bëmë një betejë për futbollin, të paktën për Tiranën, sepse për Kukësin ka tjetër kryetar, për Vlorën dikush tjetër, për Sarandën, për Shkodrën tjetër, por të paktën për Tiranën thamë: “Në Tiranë ka “fair play”, në Tiranë kush investon në fusha, si kjo fushë fantastike këtu te Liqeni, do të kërkojë edhe llogari. Kur secili bën betejën e vet, atëherë edhe shumatorja e betejave tona prodhon një qytet më të mirë,” -e mbylli fjalën e tij Veliaj në aktivitetin që u mbajt për shkak se 2022 është viti i Tiranës si Kryeqyteti Europian i Risinisë.

Fale këmbënguljes së Veliajt zgjedhjet në shoqatën rajonale të Tiranës u ribënë pasi me urdhër të FSHF-së së Armand Dukës kryetar u zgjodh kandidati i mbështetur nga federata Krenar Alimehmeti. Gjykata vërejti shkelje me listat dhe numrin e anëtarëve të shtuar kështu që i dha të drejtë kandidatit të propzuar nga Veliaj Eduard Prodanit.

 

Ne.k./r.k./Shqiptarja.com

TAG:
• Armand Duka
• fshf
• erion veliaj