Berat/ Aksident i rëndë në qendër të qytetit, motori përplas turisten nga Nepali, dërgohet tek Trauma së bashku me drejtuesin 20-vjeçar

BERAT - Një aksident i rëndë ka ndodhur në qendër të qytetit të Beratit,tek Ura e Varur.

Një motor, me targa BP 293, duke qarkulluar nga ulliri në drejtim të Urës së Goricës, ka goditur një turiste nga Nepali, që po kalonte nga njëra anë e rrugës në tjetrën, e shoqëruar nga disa turistë të tjerë.

Përplasja ka qenë aq e fortë saqë turistja dhe drejtuesi i motorrit,E.Z,20-vjeç, janë përplasur në asfalt, të plagosur rëndë.

'Rreth orës 15:30, në rrugën urbane "Antipatrea", në vendin e quajtur "Shtëpia e bardhë", motomjeti me drejtues shtetasin E. M., 20 vjeç, ka përplasur shtetasen S. TH., 33 vjeçe nga Nepali, këmbësore, e cila u dërgua në spital për të marrë ndihmë mjekësore.', thuhet ndër të tjera në njoftimin e policisë.

Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore, janë transportuar drejt Spitalit të Traumës në Tiranë në gjendje të rëndë.

Në vendngjarje kanë shkuar forca të shumta policie, që po kryejnë kqyrjen e vendngjarjes, për të konkluduar në shkaqet e aksidentit të rëndë.

G.K/r.k./Shqiptarja.com

TAG:
• Berat
• Aksidenti