Sipas një deklarate zyrtare nga policia e Beratit, pas operacionit të koduar “Samatica”, u bë i mundur arrestimi i 35-vjeçarit Saimir Shehu, banues i Samaticës, i dënuar më parë për dhunë në familje.
Arrestimi i tij u bë në zbatim të vendimit të gjykatës së Beratit, e cila kishte vendosur masën e sigurisë “arrest me burg” ndaj tij, por në mungesë për faktin se kish dashur të vriste vëllanë e tij.
Shehu në mënyrë të vazhdueshme dhunonte pjestarët e familjes së tij, babanë dhe vëllanë.
Ai është dënuar dhe më parë për dhunë fizike dhe psikologjike ndaj babait të tij K. Shehu.
Por, më datë 21 shtator 2013, pas nje grindjeje familjare të radhës, ai ka tentuar edhe ta vrasë vëllanë e tij M.Shehu, 30 vjeç dhe për këtë arsye ishte shpallur person në kërkim nga policia e Beratit.
Redaksia online
(ar.sh/shqiptarja.com)