Berat, automjeti nga shpejtësia
e madhe përplas rëndë 13-vjeçarin

BERAT - Një fëmijë është aksidentuar sot në mbrëmje nga një automjet në lagjen “30 dhjetori” në qytetin e Beratit.

I aksidentuari, Frenci Zguro, 13 vjeç është përplasur nga automjeti me targa AA 686DG, i cili mësohet se po ecte tej normave të lejuara të shpejtësisë.

13-vjeçarin e kanë nisur me urgjencë në spitalin e Beratit, ku mësohet së gjendja e tij shëndetësore paraqitet e rëndë.

Ndërkohe policia ka ndaluar drejtuesin e mjetit, identiteti i të cilit ende nuk bëhet i ditur dhe kanë nisur punën për të sqaruar rrethanat në të cilat ndodhi aksidenti.

Redaksia Online
(mag/shqiptarja.com)