POP 5

Lajmet më të lexuara të 5 minutave të fundit

Kultura

Çelet ekspozita 'Italia në Telajo' me 35 piktura në Berat, piktori: Nëse do të shohësh shqiptarin e vertetë duhet të njohësh arbëreshët

Java Kulturore Italiane ka bërë bashkë emra të njohur të pikturës shqiptare në Galerinë e Artit në Berat ku është çelur ekspozita “Italia në telajo”. Punimet e përzgjedhura paraqesin peisazhe nga vendet më të bukura të Italisë fqinje.

“Italia në telajo” është ekspozita e veçantë që u çel në qytetin e Beratit.

Janë 35 piktura të emrave më të zë të artit figurativ si Buron Kaceli, Nikolin Ivanaj, Pashk Përvathi, Adrian Cene, Zhaneta Kadillari, Agron Polovina, Anila Zajmi e shumë të tjerë.

Frymëzuar nga natyra mahnitëse e vendit fqinj, ata sjellin për artdashësit një eksperiencë plot ngjyra të qendrave të rëndësishme të artit, si Roma, Firence, Milano, Venecia e veçanërisht nga Komunat Arbëreshe. Pikturat janë realizuar ndër vite, në kolonitë e artistëve, apo gjatë udhëtimeve individuale.

“Nëse do të shohësh shqiptarin e vertetë duhet të njohësh arbëreshët. Këtu është shtëpia muze e Jeronim De Radës dhe kjo është rrugica. Më frymëzon shumë zona e Kalabrisë…”, tha Nikolin Ivanaj, piktor.

Ekspozita vjen si bashkëpunim i Konsullatës së Italisë në Vlorë, Bashkisë Berat dhe Grupit të PleiAir-it, në kuadër të Javës Kulturore Italiane.

“Java e Kulturës Italiane po kthehet në traditë, nën kujdesin e ambasadës italiane në Tiranë. Ekspozita është një ndër aktivitet e shumta kulturore që zhvillojmë me qëllim krijimin e urave të bashkëpunimit dhe komunikimi midis dy vendeve tona”, tha Iva Palmjeri konsulle e Italisë në Vlorë.

Përgjatë fundjavës turistët e shumtë dhe qytetarët beratas kanë mundësi ta vizitojnë ekspozitën “Italia në telajo” në galerinë “Edward Lear”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Gol 'Alla Del Piero', Uzuni shënon një 'perlë' në La Liga 2! Sinjal i fortë për Sylvinhon prag sfidave të nëntorit

Gol 'Alla Del Piero', Uzuni shënon një 'perlë' në La Liga 2! Sinjal i fortë për Sylvinhon prag sfidave të nëntorit

2 Nëntor, 21:10