BERAT – Një 21-vjeçare nga Berati për pak sa nuk i ka dhënë fund jetës së saj, akt ekstrem i ndërmarrë në dëshpërim për shkak të dhunë fizike dhe psikologjike që bashkëjetuesi 35-vjeçar ushtronte ndaj saj.

E reja ka qëlluar veten në bark me thikën e kuzhinës si pasojë e dhunës së ushtruar nga bashkëjetuesi i saj. Policia e Beratit arrestoi në flagrancë 35-vjeçarin me inicialet I.Ç, ndërsa nga bluzat e bardha mësohet se 21-vjeçarja është jashtë rrezikut për jetën.

35-vjeçari akuzohet për veprat penale “Dhuna në familje” dhe “Shkaktimi i vetëvrasjes”.
 
Redaksia Online
(Gre.M/Shqiptarja.com)