Berat Gjimshiti para Spanjës: Kemi shanse të kalojmë grupin! Daku? Nuk merremi me politikë

Kapiteni i Kombëtares, Berat Gjimshiti foli para ndeshjes kundër Spanjës. Nga Dusseldorf ai u shpreh se kuqezinjtë do provojnë shanset e tij, teksa u ndal edhe te pezullimi me dy ndeshje i Mirlind Dakut nga UEFA.

"Luani kundër Spanjës, sa gati është ekipi?

Është një ekip i fortë, të gjithë jemi gati. Kemi shanse të kalojmë grupin dhe jemi në lojë. Të bezdisim Spanjën.

Spanja bën rotacion, si ndikon te Shqipëria?

Aspak nuk ndikon, ata kanë të njëjtin nivel edhe me lojtarët e dytë. E dimë kë kemi përballë dhe nuk mendojmë se do luajnë me ekipin e dytë dhe do futemi në fushë sikur ata kanë më të mirët kundër nesh.

Mungesa e Dakut?

Duhet të fokusohemi te ndeshja nesër, Daku ka bërë gabim dhe ka kërkuar falje. Të fokusohemi vetëm te ndeshja e nesërme. Do jetë ndeshja më e vështirë, ndoshta më e vështira në këtë grup. T'i shqetësojmë dhe të bëjmë më të mirën që dimë.

UEFA e ka gjobitur Shqipërinë, jeni të mërzitur që politika ka zbehur punën tuaj?

Nuk jam këtu për të folur për gjërat politike. Ne do luajmë për tifozët dhe ata që na besojnë", tha Berat Gjimshiti.

Lajmi kryesor:

VIDEO/ Sylvinho jep kushtrimin: Nesër futemi në fushë për fitore, ëndërrojmë 1/8! Spanja ekipi më i fortë në Euro 24, e kam gati formacionin! Gjimshiti: T'i bezdisim

S.Dh/Shqiptarja.com

TAG:
• berat gjimshiti
• sylvinho
• Kombetarja shqiptare
• euro 2024