BERAT -Trupi i 17-vjeçarit Ridvan Broka, i cili u mbyt mbrëmjen e djeshme në ujërat e Osumit së bashku me shokun e tij Luan Demiraj është nxjerrë mesditën e sotme nga lumi.

Rreth orës 11:40 te mesditës pranë vendit ku u mbyt i riu mbërritën polumbarët e forcave RENEA, të cilët kanë nisur punën për gjetjen e trupit të riut.

Pas 20 minutash kërkime trupi i Ridvan Brokës u gjet 10 metra larg vendit ku ai i mbyt mbrëmjen e së hënës dhe u nxor në breg për tu dërguar në morgun e spitalit të qytetit. 

Më herët familjarët e viktimës janë ankuar gjatë ditës sotme se polumbarët mbërritën me shumë vonesë dhe se policia nuk i lejonte të bënin vetë kërkime. 

Luan Demiraj 17 vjeç dhe Ridvan Broka 17 vjeç, kishin shkuar mbrëmjen e së hënës për tu larë, por pasi kanë hyrë në ujë, nuk kanë dalë më prej andej.

Në vendin e quajtur tek pllakat e lumit Uznonvë dy djemtë janë mbytur në uji.  Pak orë më pas polumbarët dhe banorët kanë mundur të nxjerrin njërin prej trupave, atë të 17-vjecarit, Luan Demiraj, i cili u identifikua në Morgun e Spitalit të Beratit.
 
mbytja berat
(Dy adoleshentët e mbytur Ridvan Broka dhe Luan Demiraj)

Zhvillimet gjate dites se hene 20 korrik

22:50 Shkuan me motor për t’u larë
Dy bashkëmoshatarët kishin shkuar me një motor me targa të huaja për t’u freskuar në ujërat e lumit Osum. Policia ka gjetur rrobat e tyre në breg si dhe motorin. Ata mësohet se ishin shokë prej vitesh.

22:35 Komunikata e policisë
Në Berat më datë 20.07.2015, në vijim të ngjarjes së ndodhur në lumin e Osum, ku janë mbytur dy djem, njoftojme se është gjetur trupi i një prej viktimave, shtetasi me iniciale L.D, 17 vjeç, banues ne Berat,  trupi i të  cili është transportuar për në morgun e Spitalit për ti bërë autopsinë me qëllim përcaktimin e shkakut të mbytjes.
Vazhdojnë kërkimet për djalin tjetër i cili dyshohet të jetë shtetasi me iniciale R.B, 17 vjeç, banues në Berat. 

mbytja berat
(Në foto: Ridvan Broka)

22:20 Viktima e dytë Ridvan Broka
Adoleshenti i dytë që u mbyt në Lumin Osum, quhet Ridvan Broka. Ndërkohë që është bërë identifikimi i tij, ende vazhdojnë kërkimet për gjetjen e trupit.

mbytja berat
(Në foto: Luan Demiraj)

21:10 Identifikohet viktima e parë
Polumbarët e RENEA-s kanë arritur të nxjerrin nga ujërat e Lumit Osum, 17-vjeçarin e mbytur mbrëmjen e së hënës në Berat. Pas dërgimi në morg, u bën edhe identifikimi i tij, ku rezultoi se bëhej fjalë për Luan Demiraj. 

20:00 Mbyten dy të rinj në Osum
Polumbarët e RENEA-s dhe banorët kanë mundur të nxjerrin nga ujërat e Osumit njërin prej të mbyturve, atë të 17-vjeçarit të quajtur Luan Demiraj, ndërsa po kërkohet për trupit tjetër, atë të 17-vjeçarit që është i paidenfikuar.

Nga Morgu i Spitalit Rajonal të Beratit bëhet me dije se, trupi i 17-vjeçarit ka në anën e djathtë të qafës një tatuazh me shkronjën “L”. Oficerët e policisë gjyqësore të mbërritura në vendngjarje po vijojnë hetimet për zbardhjen e kësaj ngjarje.

Ndërkohë, vetëm dy ditë më parë gjatë ditës së shtunë u shënuan dy viktima në brigjet e detit. Një 6-vjeçar u mbyt në Vlorë, ndërsa një 65-vjeçar u mbyt në Kavajë pasi pësoi atak kardiak.

Në Vlorë, vogëlushi A.L. u gjet nga një pushuese pa shenja jete në zonën e Ujit të Ftohtë, ndërsa thirrjet për ndihmë të shpejtë morë një përgjigje të çalë nga Qendra e Kujdesit Shëndetësor. Kurse në për ngjarjen në Kavajë, xhelatin Leçini u mbyt në Spille. 65-vjecari dyshohet se ka pësuar atak kardiak ndërsa ishte futur në ujë. Atij i është dhënë ndihmë e shpejtë por nuk ka mundur të mbijetojë.