BERAT – Policia ka arrestuar katër persona të afërm me njëri-tjetrin pasi akuzohen se kanë qëllua ma armë automatik në ajër.

Seksioni për Krimet në Komisariatin e Policisë Berat kanë arrestuar Florjan Qato, Sajmir Qato, Briken Qato dhe Elton Qato.

Arrestimi i tyre u bë pasi në vendin e quajtur “Kthesa e Roshnikut” kanë qëlluar në ajër me armë zjarri tip kallashnikov.

Në vendngjarje janë gjetur dhe sekuestruar në cilësinë e provave material arma dhe 33 gëzhoja.

Materialet i kalojnë Prokurorisë së Rrethit Gjyqësor Berat, për veprat penale “Prodhimi dhe mbajtje paleje e armëve luftarake dhe e municioneve” dhe “Prishja e qetësisë publike” të kryera në bashkëpunim.

Redaksia Online
(f.s/shqiptarja.com)