Besmir Koxhai, 28 vjeç është aksidentuar nga automjeti, tip Mitsubishi, i cili drejtohej nga një shtetas italian i firmës së kërkimeve të naftës Geotec.
Aksidenti ka ndodhur rreth orës 18:30 në aksin rrugor Çorovodë-Berat në vendin e quajtur Bogovë, teksa mjeti ka qenë me shpejtësi tej normave të lejuara, e më pas ka humbur kontrollin duke përplasur 28-vjeçarin.
Menjëherë në vendngjarje kanë mbërritur blutë e policisë së Çorovodës, si dhe të Beratit, të cilat kanë shoqëruar drejtuesin e mjetit.
Ndërsa 28-vjeçari është nisur menjëherë në spitalin rajonal të Beratit për të marrë ndihmën e shpejtë mjekësore, pasi kishte fraktura të rënda. Po punohet për zbardhjen e aksidentit.
Redaksia Online
(mag/shqiptarja.com)
![](https://www.shqiptarja.com/template/img/sh_logo1.png)