Tirane- Gjykata e Posaçme vendosi sot t’i kthejë aktet Prokurorisë së Posaçme për deputetin e Partisë Demokratike Qani Xhafa për ta hetuar, lidhur me aksidentin e ndodhur më 13 mars të vitit 2023 në bulevardin ‘Qemal Stafa’ në Elbasan.
Vendimi u mor nga gjyqtari Erjon Çela, i cili shqyrtoi në seancën e kësaj të hëne (10 qershor) kërkesën e Gjykatës së Elbasanit, që shpalli moskompetencë lëndore për çështjen e deputetit.
Sipas GJKKO, hetimet deri më tani janë bërë nga një prokurori jokompetente dhe do t’i kalojnë SPAK, duke qenë se Xhafa është subjekt që duhet të hetohet nga kjo prokurori.
![](https://shqiptarja.com/template/img/NO_ALFA_Kuadrate shqiptarja.png)
Tanimë, Prokuroria e Posaçme do të marrë në shqyrtim dosjen e deputetit Qani Xhafa, ku pas kryerjes së hetimeve do ia referoi GJKKO për veprime të mëtejshme.
Ndaj Qani Xhafës është ngritur akuza për drejtim mjeti në gjendje të dehur. Aksidenti u shënua më 11 mars 2023 në kohën kur Xhafa ishte kandidat për deputet.
Pasi Luçiano Boçi la mandatin për të garuar për kryetar Bashkie, automatikisht Qani Xhafa u fut në parlament.
(Kliko këtu për të lexuar dokumentin e plotë)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Njeri sh korrekt..mos harxhoni kohën e energji me Qaniun...
Përgjigju