POP 5

Lajmet më të lexuara të 5 minutave të fundit

Kronikë

Bëri thirrje për bojkot të punës, KLSH pezullon drejtorin juridik: Emëroni kreun e ri sa më shpejt

KLSH ka pezulluar nga detyra dhe ka nisur procedimin disiplinor kundër Drejtorit të Departamentit Juridik.

Bëri thirrje për bojkot të punës, KLSH pezullon drejtorin juridik: Emëroni kreun e ri sa më shpejt

Ermal Yzeiraj

TIRANE- Komisioni Displinor i Kontrollit të Lartë të Shtetit ka pezulluar nga detyra dhe ka nisur procedimin disiplinor kundër Drejtorit të Departamentit Juridik në këtë institucion, pasi u ka bërë thirrje punonjësve të ndërpresin punën audituese. Argumenti i dhënë nga Drejtori i Departamentit Juridik Ermal Yzeiraj është cështja e kompetencave pasi aktualisht KLSH nuk ka kryetar, pasi Bujar Leskajt i ka përfunduar mandati vitin e kaluar.

Drejtori i Departamentit Juridik shprehet për një sërë paligjshmërishë brenda-institucionale, që sipas tij e kanë zanafillën në delegimin e kompetencave të drejtimit të institucionit nga kryetari tek zv. kryetarja dhe që më pas vijojnë me tej me rikthimin në detyrë të kryetarit Leskaj.

Për të gjitha këto, KLSH fajëson vonesën në emërimin e një kryetari të ri të KLSH-së nga institucionet e Presidentit dhe të Kuvendit të Shqipërisë. Kujtojmë që Presidenti Meta ka propozuar tre emra për kryetar të KLSH-së, Vitore Tushën, këshilltarin e tij, Bahri Shaqiri dhe ish-këshilltarin e Berishës, Petraq Milo, të cilët janë refuzuar nga shumica në parlament.

NJOFTIMI I PLOTË I KLSH-së
Në dt. 13.09.2019, Drejtori i Departamentit Juridik në KLSH, përmes një komunikimi elektronik me e-mail tek pjesa më e madhe e stafit auditues të institucionit, parashtroi disa shkelje të pretenduara prej tij, që preknin funksionet parësore audituese dhe ato mbështetëse institucionale. Ky e-mail i dytë i Drejtorit Juridik vjen në vazhdën e një memoje fillestare të përcjellë elektronikisht prej tij më dt. 02.05.2019 tek Kryetarja në detyrë, Sekretarja e Përgjithshme, Drejtoresha e Përgjithshme dhe Drejtorët e Departamenteve të Auditimit në KLSH.

Në të dyja komunikimet, në mënyrë të përsëritur, Drejtori i Departamentit Juridik shprehet për një sërë paligjshmërish brenda-institucionale, që e kanë zanafillën në delegimin e kompetencave të drejtimit të institucionit nga Kryetari tek Zv. Kryetarja e vijojnë me tej me rikthimin në detyrë të Kryetarit, ngjarje këto që lidhen me vonesën në emërimin e një Kryetari të ri të KLSH-së nga institucionet e Presidentit dhe të Kuvendit të Shqipërisë.

Pas trajtimit me kujdes të këtyre informacioneve nga ana e drejtuesve dhe punonjësve të KLSH-së, konsultimit me bazën ligjore e rregullative, si edhe me ekspertë të huaj, bashkëpunëtorë të institucionit, qëndrimi institucional është sa vijon:

1. Drejtori i Departamentit Juridik këshillohet të ndjekë çdo rrugë ligjore për të provuar vërtetësinë e pretendimeve të ngritura prej tij. Nën moton “Udhëheqim përmes shembullit”, KLSH është e hapur dhe transparente për të provuar në çdo rast ligjshmërinë e veprimeve të çdo punonjësi të saj, duke nisur nga Kryetari e më tej deri tek specialisti, përpara organeve kompetente dhe opinionit publik.

2. Drejtori i Departamentit Juridik, në të dyja komunikimet, u bën thirrje punonjësve të KLSH-së të ndërpresin punën audituese. Kjo thirrje anti-kushtetuese, nga një punonjës i vetë KLSH-së, është një akt i rëndë për interesat e shtetit dhe institucionit. Përmes kësaj thirrjeje për bojkot institucional, që shpeshherë merr edhe formën e shantazhit, Drejtori Juridik merr atribute që tejkalojnë dhe kundërshtojnë në mënyrë flagrante kompetencat e detyrës për të cilën paguhet nga shteti.

3. Drejtori i Departamentit Juridik kërkon nga të gjithë punonjësit e KLSH-së që të marrin një qëndrim personal për pretendimet e ngritura prej tij në të dyja komunikimet. Të gjithë punonjësit e KLSH-së, si stafi auditues, ashtu edhe ai mbështetës, kanë vijuar të paraqiten në punë dhe të kryejnë të qetë e me përkushtim detyrat e tyre funksionale.

Në kushtet kur Kontrolli i Lartë i Shtetit do të raportojë së afërmi në Kuvend mbi “Zbatimin e Buxhetit 2018”, detyrim ky që buron nga Kushtetuta dhe i ngarkohet me ligj Kryetarit të KLSH-së, punonjësit dhe drejtuesit kanë intensifikuar angazhimin e tyre, për të gjeneruar një raport cilësor, objektiv dhe të besueshëm, sikurse çdo vit. Raporti i KLSH-së mbi Zbatimin e Buxhetit të Shtetit është dokumenti që i jep dritën e gjelbër vijimit të procedurave për hartimin e buxhetit të vitit të ardhshëm.

4. Për sa më lart, Komisioni Displinor, i ngritur me kërkesë të Përgjegjësit të Sektorit të Etikës dhe Integritetit dhe me përbërje: 1. Drejtor i Përgjithshëm, 2. Sekretar i Përgjithshëm, 3. Drejtor i Burimeve Njerëzore, 4. Nëpunësi me vjetërsi më të madhe në institucion dhe 5. Nëpunësi me vjetërsi më të madhe në njësinë ku punon nëpunësi ndaj të cilit ka nisur procedimi, pasi shqyrtoi shkeljet e referuara me shkresën nr. 696, dt. 17.09.2019 dhe në mbështetje të Ligjit 152/2013 “Për nëpunësin civil”, i ndryshuar dhe VKM-së nr. 115 “Për përcaktimin e procedurës disiplinore dhe të rregullave për krijimin, përbërjen dhe vendim-marrjen në Komisionin Displinor në Shërbimin civil”, vendosi që me shkresën nr. 696/11, dt. 19.09.2019 të nisë Procedurën Disiplinore ndaj Drejtorit të Departamentit Juridik në KLSH. Gjithashtu me shkresën nr. 696/12, dt. 19.09.2019, Komisioni Disiplinor, në përputhje me Kreun X, Nenin 59, pika 6 të Ligjit 152/2013, i ndryshuar, vendosi Pezullimin e Përkohshëm të Drejtorit të Departamentit Juridik deri në përfundimin e Procedurës Displinore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bujo: 21/09/2019 03:10

    Kryetari KLSH mori dhe pagat qe i takojne me perfundimin e mandatit e u largua. Me as nje dite u zgjua e tha pse mos kthehem se na duhen lek e u kthye me vrap per te bere fushaten e fundit te korrjeve te lekut. Bujar Leskaj me mosveprimin e tij dhe korrupsuonin e tij rriti nivelin e vjedhjeve te fondeve publike. Inspektoret e KLSH jane kthyer ne taksidare te sulltan Bujarit. Minimalisht Bujar Leskaj duhet te shkoj ne burg per shperdorim detyre. Maksimalisht pyesni Saimir Tahirin se ai i ka videot e pazareve te tij .

    Përgjigju
  • Gazi: 20/09/2019 18:02

    Ky drejtori ne fakt ka shume te drejte. Bujar Leskaj i rikthyer me vendim personal ne detyre eshte totalisht i paligjshem. Sipas kesaj logjike mund te na kthehet ne detyre me vendim personal per veten Bujar Nishani, apo dhe vete anetaret e Gjykates Kushtetuese apo te Gjykates se Larte, kryetaret e bashkive etj. Edhe Bujar Leskaj eshte pjese e estrades se madh, i vetezgjedhur Kryetar i KLSH.

    Përgjigju
    • E verteta e hidhur: 20/09/2019 18:59

      O Gaxi o injorant e thote kushtetuta dhe ligji qe Kryetari duhet te qendroje ne detyre deri sa te vij tjetri. Nuk po rri se do. Po rri se duhet. Ai e tregoi se sdo me te rrij aty po ja qe opozita dogji mandatet dhe situata politike kaloi ne ngerc. Vetem qorrat si puna jote dhe palloshat si Ermal Yzeiraj bukeshkali qe Bujari e rriti profesionalisht arriti sa ben trakte per bojkot institucional. Kulmi. Mosmirenjohesi Ermal Yzeiraj tani e shan nje institucion i tere per ate qe beri

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Opozita jugkoreane me mocion për shkarkimin e ushtruesit të detyrës së presidentit

Opozita jugkoreane me mocion për shkarkimin e ushtruesit të detyrës së presidentit

26 Dhjetor, 09:13